استانادا وبلىستاردىڭ, رەسپۋبليكالىق ماڭىزى بار قالالاردىڭ, سونداي-اق قالالار مەن اۋدانداردىڭ, قالاداعى اۋدانداردىڭ جاستار ۇيىمدارى وكىلدەرى ءۇشىن «قازاقستان رەسپۋبليكاسىنداعى سايلاۋ پروتسەسى: تەوريا جانە پراكتيكا» اتتى ءۇش كۇندىك وقىتۋ كۋرسى ءوتتى.
ءىس-شارانى قازاقستان رەسپۋبليكاسى ورتالىق سايلاۋ كوميسسياسى قازاقستان رەسپۋبليكاسى پرەزيدەنتىنىڭ جانىنداعى مەملەكەتتىك باسقارۋ اكادەمياسىنىڭ ەلەكتورالدىق وقىتۋ ورتالىعىمەن بىرلەسىپ ۇيىمداستىردى.
وقىتۋ كۋرسى ءبىلىم الۋشىلاردا قازاقستانداعى سايلاۋ پروتسەسى تۋرالى ءبىرتۇتاس تۇسىنىك قالىپتاستىرۋعا جانە جاستاردىڭ سايلاۋ ينستيتۋتىنا دەگەن سەنىمىن ارتتىرۋعا باعىتتالعان.
وقىتۋ باعدارلاماسى ەكى بلوكتان تۇردى: offline module – قازاقستان رەسپۋبليكاسى پرەزيدەنتىنىڭ جانىنداعى مەملەكەتتىك باسقارۋ اكادەمياسىنىڭ ەلەكتورالدىق وقىتۋ ورتالىعىنىڭ بازاسىندا جانە رost-module – ونلاين-چات ارقىلى offline module اياقتالعاننان كەيىن 2 اپتا ىشىندە كۋرستان كەيىنگى سۇيەمەلدەۋ.
وقىتۋدىڭ ءبىرىنشى كۇنى تىڭداۋشىلارعا «قازاقستان رەسپۋبليكاسىنداعى سايلاۋ ينستيتۋتى. قازاقستان رەسپۋبليكاسى پرەزيدەنتىنىڭ سايلاۋ ناۋقانىن وتكىزۋ ەرەكشەلىكتەرى» تاقىرىبىندا شولۋ ءدارىسى ۇسىنىلدى. ورتالىق سايلاۋ كوميسسياسى توراعاسىنىڭ ورىنباسارى كونستانتين پەتروۆ ەلىمىزدىڭ سايلاۋ جۇيەسىنىڭ دامۋى جانە الداعى سايلاۋ ناۋقاندارىنىڭ راسىمدىك ەرەكشەلىكتەرى تۋرالى ايتىپ بەردى.
جاس جانە بولاشاق سايلاۋشىلاردى ەلەكتورالدى وقىتۋ تاقىرىبىن ورتالىق سايلاۋ كوميسسياسىنىڭ مۇشەسى ءسابيلا مۇستافينا ەگجەي-تەگجەيلى اشتى.
سايلاۋ زاڭناماسىنىڭ نوۆەللالارى جانە سايلاۋدىڭ قارجىلىق اسپەكتىلەرى تۋرالى دارىستەرمەن وسك اپپاراتىنىڭ قىزمەتكەرلەرى ءسوز سويلەدى.
كۇننىڭ سوڭىندا قاتىسۋشىلار جاستاردىڭ ەلەكتورالدى مادەنيەتى بويىنشا ترەنينگتەن ءوتتى.
ەكىنشى كۇنى ورتالىق سايلاۋ كوميسسياسىنىڭ مۇشەلەرى مەن قىزمەتكەرلەرى تىڭداۋشىلاردى قازاقستانداعى سايلاۋ ناۋقاندارىن دايىنداۋ مەن وتكىزۋدىڭ ۇيىمداستىرۋشىلىق جانە قۇقىقتىق اسپەكتىلەرى, ونىڭ ىشىندە سايلاۋ الدىنداعى ۇگىت ادىستەرى, حالىقارالىق بايقاۋدىڭ حالىقارالىق قاعيداتتارى مەن ستاندارتتارى, ۇلتتىق بايقاۋ, مۇگەدەك ادامداردىڭ سايلاۋ قۇقىقتارىن قامتاماسىز ەتۋ شارتتارى جانە ت.ب. تۋرالى اقپاراتتاندىردى. سپيكەرلەر رەتىندە وسك مۇشەلەرى اسىلبەك سماعۇلوۆ, اناستاسيا ششەگورتسوۆا, وسك قىزمەتكەرلەرى جانە شاقىرىلعان ساراپشى ق.بايمەنوۆا بولدى.
كۇننىڭ ەكىنشى جارتىسىندا تىڭداۋشىلار ەلەكتورالدىق كامپانيالار كەزىندە فاكتچەكينگ جانە اقپاراتتىق تەحنولوگيالار نەگىزدەرى بويىنشا ترەنينگتەرمەن اينالىستى.
كۋرستىڭ سوڭعى كۇنى جاس سايلاۋشىلاردىڭ قۇندىلىق باعدارلارى مەن مىنەز-قۇلىق ۇلگىلەرى بويىنشا وتكىزىلدى.
كۇننىڭ سوڭىندا ءار قاتىسۋشىعا كۋرستان وتكەنى تۋرالى سەرتيفيكات بەرىلدى
