Äuejaida 400 mln. teŋge men altyn qūimalardy zaŋsyz alyp ötpek bolǧandar ūstaldy
Elorda äuejaiynda 400 mln. teŋge men altyn qūimalardy zaŋsyz syrtqa şyǧaru äreketınıŋ joly kesıldı, dep habarlaidy astana-akshamy.kz
2024 jyldyŋ basynan berı Astana qalasy boiynşa MKD «Äuejai-Astana» keden beketınıŋ qyzmetkerlerı kedendık baqylau kezınde jalpy qūny 400 million teŋgeden astam valiutany zaŋsyz äketudıŋ 22 faktısın qūryqtady.
Mäselen, jyl basynda «Nūrsūltan Nazarbaev» halyqaralyq äuejaiynda «Astana – Ystambūl» halyqaralyq reisın kedendık baqylau kezınde Qazaqstan Respublikasynyŋ azamaty 74 million teŋgeden astam somaǧa şeteldık valiutany zaŋsyz äketpek bolǧan.
Būl rette Astana qalasy boiynşa Ekonomikalyq tergeu departamentıne qylmystyq qūqyq būzuşylyq belgılerımen 172 mln teŋgeden astam somaǧa 3 material, äkımşılık qūqyq būzuşylyq belgılerımen 281 mln teŋgege 19 faktı, onda aiyppūl somasy 664 560 teŋgenı qūrady
Sonymen qatar, azamattar jalpy salmaǧy 433 gramm altyn qūimalaryn jäne jalpy salmaǧy 3000 gramm kolleksiialyq monetalardy (qūny 70 million teŋgeden astam) zaŋsyz äketu boiynşa zaŋ būzuşylyqqa jol bergen.
Qazaqstan Respublikasy Prezidentınıŋ Jarlyǧyna säikes elımızdıŋ Ūlttyq bankı şyǧarǧan, Qazaqstannan 10 000 AQŞ dollary balamasynan asatyn somaǧa qolma-qol şetel valiutasyn jäne (nemese) şetel valiutasyndaǧy aqşa qūraldaryn jäne altyn qūimalaryn, investisiialyq monetalardy jäne t.b. äketuge tyiym salynǧanyn eske salady, joǧaryda atalǧan normalardy būzǧany üşın būzuşylyqqa qarai äkımşılık nemese qylmystyq jauapkerşılık qarastyrylǧanyn eske salamyz.
