Serık Aqşolaqov, Respublikalyq neirohirurgiia ǧylymi ortalyǧynyŋ basqarma basşysy
Būl apta bız üşın jaǧymdy jaŋalyqtarǧa toly boldy. 30 säuır künı Respublikalyq neirohirurgiia ǧylymi ortalyǧynyŋ halyqaralyq Joint Commission International (JCI) Bırıkken komissiiasynda tırkelgenı turaly sertifikatyn tapsyrudyŋ saltanatty räsımı öttı.
Būl jetıstık – sapa men qyzmet körsetu qauıpsızdıgınıŋ naqty tanylǧan «altyn standarty» bolyp tabylady. Bızdıŋ ortalyq – JCI halyqaralyq Bırıkken Komissiiasy akkreditasiiasyna öz aldyna ie bolǧan Qazaqstandaǧy tūŋǧyş mekeme. Būl qazaqstandyq därıgerlerdıŋ, medisina bikelerı men densaulyq saqtau äkımşılerınıŋ joǧary äleuetın bıldıredı dep oilaimyn.
Bügınde älemnıŋ 90-nan astam elınde 450-ge tarta medisinalyq ūiymdar JCI halyqaralyq Bırıkken Komissiiasynda akkreditasiialanǧan. «Respublikalyq neirohirurgiia ǧylymi ortalyǧy» AQ atalǧan akkreditasiiany alǧan elımızdegı ekınşı, TMD-daǧy üşınşı ūiym. Akkreditasiia märtebesı auditorlar tobynyŋ tekseruıne säikes 1200 halyqaralyq standart talaptaryna säikesken jaǧdaida ǧana berıledı. Atalǧan standart boiynşa, medisinalyq ūiymdaǧy barlyq bölımşeler men üderıster baǧalanady. Atap aitqanda: därıgerdıŋ emdeuı men medbikenıŋ ǧimarattyŋ qauıpsızdıgıne, jūqpaly aurulardy baqylau, medikamenttermen jūmys ısteu, pasienttıŋ qūqyn qorǧauǧa deiıngı jauap beruı, taǧy basqalar eskerıledı. Būl ıs-şaraǧa QR Premer-ministrınıŋ orynbasary E.Orynbaev, QR Densaulyq saqtau vise-ministrı B.Tökejanov, «Nazarbaev Universitetı» AQ rektor-prezidentı Shigeo Katsu, «NMH» AQ basqarma töraǧasy A.Kenneth, QR Parlamentınıŋ deputattary qatysty. Būl – bız üşın ülken märtebe. Halyqtyŋ densaulyǧyn qadaǧalauda aldaǧy uaqytta da sapaly qyzmet körsetemız degen senımdemın.
