Elordada «Anama qarap boi tüzeimın» atty ūlttyq baiqau öttı, dep habarlaidy astana-akshamy.kz
Jobanyŋ basty maqsaty – ūrpaq tärbiesın ūlaǧattau. Talantty, ibaly, inabatty qyzdar men olarǧa önegelı tärbie berıp otyrǧan analardy nasihattau.
Jurnalist Baǧdagül Rahmetqyzynyŋ avtorlyq jobasy 2022 jyly – Balalar jylyna orai otbasylyq qūndylyqtardy därıpteu, anasy men qyzy arasyndaǧy ädemı ädeptı körsetu maqsatynda bastau alǧan.
Biyl baiqauǧa 7 ümıtker qatysty. Olar Astana qalasy, Aqmola, Qaraǧandy jäne Jambyl oblysynan keldı.
Baiqau 4 kezeŋnen tūrady. Olar: tanystyru jäne öner körsetu bölımı; salt-dästürımızden körınıs; salt-dästürge bailanysty sūraq-jauap, maqal-mätelderdıŋ jalǧasyn tabu, ūlttyq taǧam äzırleu jäne qolöner tuyndylaryn tanystyru.
Al baiqauǧa, belgılı änşı Maira Iliiasova, qoǧam qairatkerı Orazgül Asanqazy, ūlttyq öner dizainerı Yrza Tūrsynzada, jurnalist Baǧdagül Rahmetova t.b. qazylyq ettı.
«Būl baǧdarlamanyŋ ūltymyzǧa bererı mol. Qazaq degen halqymyzdyŋ, ūlttyq qūndylyǧyn ǧasyrlardan-ǧasyrlarǧa jetkızemız deitın bolsaq, äuelı analarǧa köŋıl böluımız kerek. Sondyqtan osyndai jobalardyŋ maŋyzy zor dep bılemın», – deidı belgılı qoǧam qairatkerı Orazgül Asanǧazyqyzy.
Ädılqazylar şeşımımen bas jülde Jambyl oblysynan kelgen Şäkizat Myŋbosynovaǧa būiyrdy.
Bas jülde iegerlerı Katar memleketıne 1 aptaǧa tegın demalys ūtyp aldy.
«Ūlttyq salt-dästürlerımızdı jaŋǧyrtatyn jobanyŋ janaşyry retınde bas demeuşı boluǧa şeşım qabyldadyq. Osymen 3-şı jyl qatarynan baiqauǧa syi daiyndap kelemız. Biyl da bas jüldege Katarǧa joldamany tıktık. Jeŋımpaz anasy men qyzy qonaqüiı, tamaǧy, joly tegın joldamamen şetelde bır apta demalyp keletın bolady», – deidı turistık agenttıktıŋ direktory Dinara Asanova.
Sondai-aq ekı 1-şı oryndy Şynar Battalova men Maira Jäitınbekqyzy bölıstı. Sonymen qatar, 2-şı oryn men 3-şı oryn qos-qos jüldegerge būiyrdy.
Aita keteiık, atalǧan joba respublikalyq «Aru Ana» üzdık äielder jobalary konkursynda Astana qalasy boiynşa 2024 jyldyŋ üzdık jobasy dep tanyldy.
