Soŋǧy mälımetter boiynşa, elımızde su tasqynyna bailanysty Qazaqstannyŋ 10 oblysynda tötenşe jaǧdai rejimı jariialandy. Qazır Aqtöbe, Atyrau, Pavlodar, Aqmola, Qostanai jäne Soltüstık Qazaqstan oblystarynda 3702 üi su astynda qaldy. El boiynşa su tasqyny bastalǧannan berı 72 myŋnan astam adam qūtqarylyp, qauıpsız jerge köşırıldı, onyŋ 17 myŋǧa juyǧy – balalar. Qazırgı uaqytta uaqytşa ornalastyru ortalyqtarynda 14 460 adam bolsa, onyŋ 7 269-y – balalar.
Su tasqynynan zardap şekken aimaqtardaǧy adamdardyŋ qauıpsızdıgın qamtamasyz etu, olardyŋ kerek-jaraǧyn şeşu baǧytynda auqymdy jūmys atqarylyp jatyr. Tosynnan kelgen alapat apatqa barşa elordalyqtar ün qosuda. Bügıngı künde elordada 9 gumanitarlyq kömek qabyldau punktı bar, jinauǧa 30-ǧa juyq erıktı ūiym atsalysyp jatyr. Kün saiyn 200-den astam erıktı qajettı zattardy sūryptap, jöneltedı. Niet bıldıruşıler jyly kiım-keşek, azyq-tülık, därı-därmek, alǧaşqy qajettılık zattaryn äkelıp jatyr. Sonymen qatar Ükımettık emes ūiymdar ökılderınıŋ mälımetınşe, bırneşe kün ışınde 7 tonnaǧa juyq alǧaşqy qajettı tūrmystyq zattar jinalyp, jük kölıgı Aqtöbe qalasyna attandy. Gumanitarlyq kömek jinau jūmysyna Maqsūt Närıkbaev universitetı, L.N.Gumilev atyndaǧy EŪU, Nazarbaev universitetı, ESIL universitetı syndy elordanyŋ joǧary oqu oryndary da qosyldy. Kömek körsetken özge ūiymdardyŋ qatarynda The one qonaqüiı, «Äsem», «Rahmet», «Şapaǧat» sauda üilerı jäne basqa da biznes qūrylymdarynyŋ ökılderı de bar.
Astanalyq Qazaqstan halqy assambleiasy da «Jürekten jürekke» qaiyrymdylyq aksiiasyn ötkızdı. «Qoǧamdyq kelısım» qoǧamdyq ūiymy etnomädeni bırlestıktermen, käsıpkerlermen, QHA jastar qanatynyŋ volonterlerımen jäne onyŋ belsendılerımen bırlesıp, Aqmola jäne Qaraǧandy oblystarynyŋ tūrǧyndaryna gumanitarlyq kömek jönelttı. QHA janynan qūrylǧan, mesenat Hasan Şärıpov töraǧalyq etetın qalalyq ştab gumanitarlyq kömektı jinau, jükterdı qabyldau jäne tüsıru jūmystaryn üilestırdı.
– Tabiǧi su tasqynynan zardap şekkenderge Qazaqstan halqy Assambleiasy men etnomädeni ortalyqtar atynan qoldau körsetemız. Öŋırlerde tötenşe jaǧdai jariialana salysymen gumanitarlyq kömek jinadyq» dedı Hasan Şärıpov.
Bügıngı taŋda assambleia müşelerı men erıktıler jalpy somasy 5 million 200 myŋ teŋgege kömek körsettı. Dostyq üiı alaŋynan 3 jük kölıgı qajettı tauarlar, onyŋ ışınde 1,5 tonna ūn jöneltıldı.
Sondai-aq būl maŋyzdy ıske jalpy qūny 100 000 teŋgenıŋ azyq-tülık önımderın jetkızgen «Astana» balalar futbol klubynyŋ müşelerı balalar da öz ülesterın qosty.
«Amanat» partiiasynyŋ Astana qalalyq filialy «Jastar ruhy» jastar qanatymen, «Astana jastary» QB erıktılerımen, qalalyq mäslihat deputattarymen, qoǧam qairatkerlerımen, ükımettık emes ūiymdardyŋ ökılderımen, şaǧyn, orta jäne ırı käsıporyndar zardap şekkenderge 250 tonnaǧa juyq gumanitarlyq kömek jinady. Qostanai oblysynda Qazaqstan jastar kongresınıŋ volonterlerı erıktılerdıŋ jūmysyn üilestırıp, Astanadan gumanitarlyq kömektıŋ jetkızıluın qamtamasyz etude.
Qazaqstan mūsylmandary dıni basqarmasy «Zeket jäne qaiyrymdylyq» qory ökılderı su tasqynynan zardap şekken Aqtöbe oblysyna baryp, su basqan aimaq tūrǧyndaryna 500 dana rezeŋke etık, 2500 dana qap, 2000 dana jörgek, 2000 dana körpe-tösek, 2 qaiyq, qaiyqqa 3 qozǧaltqyş, jaryq qūrylǧysyna 2 qozǧaltqyş t.b. tūrmystyq zattardy jetkızdı. Sondai-aq Aqtöbe qalasynda 1000, Oiyl audanynda 300, Qobda audanynda 200 adamǧa ystyq tamaq berıldı.
Erlan DÄkenov,
Erkeǧali Rahmadiev atyndaǧy Memlekettık akademiialyq filarmoniiasynyŋ direktory, Astana qalasy mäslihatynyŋ deputaty:
«Jaǧdai öte qiyn bolsa da, bız qiyndyqty mındettı türde eŋseremız» dedı Memleket basşysy bügıngı ündeuınde. Qazaqstan halqy 80 jyldan bergı eŋ ırı tabiǧi apatqa betpe-bet kelıp otyr. Qandai qiyn-qystau kezeŋ bolsa da, ünemı bır tudyŋ astyna jinalatyn elımız, būl joly da būra tartpai, bır jūdyryqtai jūmylatyny anyq. El tızgının ūstaǧan tūlǧalar, Tötenşe jaǧdailar ministrlıgı, Işkı ıster ministrlıgı, Ūlttyq ūlan, Qaruly küşter jäne Ūlttyq qauıpsızdık komitetınıŋ mamandary jaǧdaidy retteuge atsalysuda. Oryn alǧan su tasqyny Prezidenttıŋ erekşe baqylauynda ekenın de ūmytpaǧan abzal. «Jūmyla kötergen jük jeŋıl». Gül de qar astynda mäŋgı jatpaidy. Syn saǧatta sabyr saqtap, Alladan järdem tıleimız! Jaratqan halqymyzǧa jar bolsyn!».
