Alaqai, jaz!!! İä, demalys bastala salysymen balalar özderın toǧyz ailyq tūsaudan bosap, erkındıkke şyqqandai sezınetını ras. Alaida, är ata-ana balasyn saf auamen tynystar tabiǧaty tamaşa demalyspen qamtamasyz ete bermeitını belgılı. Köbı jūmysta. Jasyratyny joq, keibır şamasy kelmegen otbasynyŋ balasy üş ai boiy qapas üide qamalyp, ekı ätkenşek äreŋ siiatyn aiadai auladan ūzap kete almaidy.
Osyndaida, balany tynyqtyryp, şynyqtyryp, jan-jaqty damytatyn lagerge jıberu asa özektı mäselege ainalady. Elorda maŋaiynda Astana qalasy Bılım basqarmasyna qarasty üş lager bar. Olar – «Batyr», «Borovichok» jäne «Arman» atty lagerler. «Borovichok» tek jetım balalarǧa arnalǧan. «Batyr» şatyrly lagerı de arasynda köpbalaly jäne otbasy jaǧdaiy naşar janūialardyŋ balalaryn qamtuǧa baǧyttalǧan. Al, künı keşe saltanatty aşyluyna qatysudyŋ sätı tüsken «Arman» lagerı bır jazda bes auysymmen üzdıksız jūmys ısteidı eken. Mūnda şamamen bır jazda 1800-2000 bala demalysyn ötkıze alady. Bır mausymda 5 auysym, onyŋ 1,4,5 auysymy tegın. Tek 2-3 auysym aqyly. Qalalyq basqarmanyŋ kömegımen 900-ge juyq bala biudjetten qarjylandyrylady. Būl da jergılıktı basqarmanyŋ köpbalaly jäne jaǧdaiy naşar otbasylar üşın jasap otyrǧan qamqorlyǧy. Qoljetımdı lagerge basqa oquşylar 22 myŋ teŋge tölep, öz mektepterınen jazylyp keluıne jol aşyq. Lagerdıŋ aşylu saltanatyna Bılım basqarmasynyŋ bastyǧy Äsima Bimendina bastaǧan barlyq mektep direktorlary jinaldy. Mausym aiy balalar merekesımen bastalatynyn barlyqtaryŋyz da bılesızder. Sol merekeden bastau alǧan jaqsy köŋıl-küi, mınekei, balalardyŋ jaily, äserlı demalysyna jalǧasuda. Jaqsylap tynyǧyp, jazǧy demalystaryŋdy köŋıldı ötkızulerıŋe tılektespız! Ol üşın lager basşylyǧy mūnda barlyq jaǧdaidy jasap, balalarǧa qūşaǧyn keŋ jaiyp otyr»,– dedı basqarma bastyǧy söz kezegınde.
Osynşama qonaqtardyŋ aldynda 8 topqa ekşelgen alǧaşqy auysymdaǧy 2-10-synyptar aralyǧyndaǧy oquşylar än salyp, bi bilep, öz önerlerın ortaǧa saldy. Aǧa tälımger aldynda top basşylary raport tapsyryp, özderınıŋ ūrany men ūstanymyn qadap aitty. Äsırese, eŋ kışkentai toptyŋ basşysy 4-synypqa ötken Nūrsūltan Moldabaevtyŋ basqaruymen aitylǧan ūran ūtymdy şyqty.
Bır qyzyǧy, lagerdıŋ tärbieleu, qadaǧalau jūmystary är auysym kezınde är mektepke jükteledı eken. Alǧaşqy auysymdy elordanyŋ maqtauly bılım ūialarynyŋ bırı №64 mektep ūjymy qabyldap alypty. Bırınşı auysymdaǧy 320 oquşynyŋ demalysy qyzyqty ärı maǧynaly ötuıne osy mekteptıŋ pedagogikalyq qūramy jauapty. Künge küiıp, dalanyŋ hoş iısımen keudesın kere dem alǧan bala bıtken lagerge kelgenıne asa quanyşty. Lager basşysy Beisenbai Katievtıŋ aituynşa, būl mekeme tek jazda emes, tıptı qysta da oquşylardyŋ demalysyn qamtamasyz etuge de baǧyttalǧan. Qysta mūnda tabiǧattyŋ qaharly qas-qabaǧyna qaramastan, şaŋǧy teuıp, atqa mınıp, laiyqty demaluǧa äbden bolady eken. «Keŋes ökımetınen keiın qarausyz qalǧan jer edı. Qala basşylarynyŋ qūnttauymen osy arany 2003 jyldan berı öz küşımızben jöndep, qalypqa keltırıp, neşe jyldan berı şamamyz jetkenşe balalardyŋ demaluyna mümkındıgınşe dūrys jaǧdai jasauǧa tyrysyp kelemız»,– dep aǧynan jaryldy lager basşysy.
Bes uaqyt toiymdy tamaq berıp, jaily tösekte jatqyzyp qana qoimai, balanyŋ ruhani, ärı fiziologiialyq demaluyn qatty qadaǧalaityn lagerdıŋ ışkı tärtıbı köŋıl könşıterlık. Mūnda jas erekşelıgıne qarai san aluan oiyndar üiretıp, hormen aitatyn patriottyq änder jattatyp, ikemdılerın bige de üiretedı eken. Mūnyŋ barlyǧyna saltanatty jiyn kezınde sap tüzegen lager tabaldyryǧyn ekı kün būryn ǧana attaǧan demaluşylardyŋ qimyl-äreketınen baiqadyq. №64 mekteptıŋ ūstazy Ainūr Doskeldina alǧaşqy mausymda osy lagerge tärbieşı bolyp kelıptı. «Mūnda kelgenıme quanyştymyn. Öte köŋıldı. Balalar är mektepten jinalǧan soŋ olarǧa da bärı qyzyq. Bala bolǧan soŋ olarǧa tanysu, dostasu sondai jeŋıl. Men balaqailardyŋ uaqtyly jatyp, merzımınde tamaqtanyp, taza jürıp-tūruyna jauaptymyn», – deidı bızben äŋgımesınde eŋ kışkentai toptyŋ tärbieşısı.
«Lager – būl tek kün men taza aua ǧana emes, ol özınıŋ erekşe qyzyǧymen de tartymdy boluy kerek. Ol qyzyq, ärine, toptaǧy köŋıl-küi», -dedı qoştasarynda Äsima Temkeqyzy. İä, balalyqtyŋ baldäurenı osyndai tabiǧaty kök şalǧyn, oŋ jaǧy orman, sol jaǧy tūnyq köl bolsa, qalai jaqsy bolmasqa! Basqarma bastyǧy aitqan bır jetıspeuşılık, ol bassein eken. Juyrda ony da qolǧa alyp, demaluǧa kelgen oquşylarǧa suǧa tüsudı jolǧa qoiu qajettılıgıne basa nazar audardy.
