Astana qalasynyŋ äkımı Jeŋıs Qasymbek Instagram paraqşasynda qūrylysy ūzaqqa sozylǧan «Triumf Siti» keşenı aiaqtalǧanyn mälım ettı, dep habarlaidy astana-akshamy.kz
«Qūrylysy ūzaqqa sozylǧan taǧy bır tūrǧyn üi keşenı aiaqtaldy. «Triumf Siti» TK qūrylysy sonau 2011 jyly bastalǧan. 13 jyldan keiın köpqabatty tūrǧyn üi keşenınıŋ 1-kezegınıŋ üleskerlerı baspanaly boldy. Qazır abattandyru jūmysy jürıp jatyr.
«Elorda qūrylys kompaniiasy» JŞS tarapynan osy üidıŋ qūrylysyn aiaqtau, qūjattaryn retke keltıru boiynşa auqymdy jüielı jūmys jürgızıldı. Al ekınşı-üşınşı kezektıŋ tūrǧyndary jaqyn arada päterlerınıŋ kıltın alady dep josparlanyp otyr.
Osyǧan deiın memlekettıŋ qoldauynyŋ arqasynda qūrylysy ūzaqqa sozylǧan 140-tan astam tūrǧyn üi keşenı aiaqtalǧan. Osylaişa 15,5 myŋǧa juyq ülesker otbasynyŋ problemasy şeşıldı.
Biylǧa qūrylysy ūzaqqa sozylǧan 10 üi qaldy. Olardyŋ bır bölıgı aiaqtaldy, al qalǧanyn osy jyldyŋ mausym aiynyŋ soŋyna deiın aiaqtaudy josparlap otyrmyz. Ärbır nysan boiynşa qadamdyq ıs-şaralar jospary bar», – dep jazdy Jeŋıs Qasymbek.
