Astanalyqtar nege köp şaǧymdanady?
Ötken jyly Äleumettık medisinalyq saqtandyru qoryna elordalyqtardan 4348 şaǧym tüsken.
«ÄMSQ» KeAQ astana filialynyŋ direktory Nūrlybek Qabdyqaparov elordalyqtardyŋ qandai medisinalyq qyzmetterdıŋ qoljetımsızdıgıne bailanysty köp şaǧymdanatynyn aitty.
– Atap aitqanda, salalyq beiındı mamandar, diagnostikalyq qyzmetter, uchaskelık qyzmettı, jalpy täjıribelık därıger, terapevt-därıger, pediatr qabyldauyn, jedel järdem brigadasyn ūzaq kütu (31,8%) mäselesı ötkır. Ekınşı orynda – medisinalyq kömek sapasynyŋ tömendıgı (30,4%). Sondai-aq medisinalyq kömek körsetuden bas tartu (5,3%), medisinalyq kömektı ūiymdastyru (4,9%), därı-därmekpen qamtamasyz etuden bas tartu (4,3%), medisinalyq ädep/etika men deontologiianyŋ būzyluy (4,3%), körsetılmegen qyzmetter boiynşa jalǧan jazbalar – medisinalyq ūiymnyŋ aqparattyq jüielerındegı senımsız aqparattyŋ boluy da (3%) özektı, – deidı filial direktory. Osy şaǧymdar negızınde byltyr 200-den asa jospardan tys monitoring jürgızılgen. Sonyŋ nätijesınde 155 kemşılık anyqtalǧan.