Astanalyqtar qazaqtyŋ kemeŋger aqyny Abai Qūnanbaiūlynyŋ 171 jyldyǧyn atap öttı
Dana oişyldyŋ tuǧan künıne orai ūiymdastyrylǧan şaralar legı 23 tamyzdan Abai eskertkışıne gül şoǧyn qoiudan bastaldy.
«Halqymyzdyŋ maqtanyşy, ūlt kösemderınıŋ bırı – Abai Qūnanbaevtyŋ mol mūrasy qanşama jyldan berı el igılıgıne qyzmet etıp keledı. Abai jyrlarymen bırge bır emes, bırneşe ūrpaq ruhani tolysyp, ösıp-jetıldı. Bügıngı täuelsız Qazaqstan ömırınde onyŋ pälsapalyq oi örnegınıŋ orny bölek. Ūly baba ruhyna taǧzym etıp, şyǧarmaşylyǧyn nasihattau – közı qaraqty degen är azamattyŋ mındetı» deidı Astana qalasy äkımınıŋ orynbasary Ermek Amanşaev.
Saltanatty jiynǧa Astana qalasy mäslihaty men «Nūr Otan» partiiasy ökılderı, qala äkımdıgıne qarasty basqarmalar men eŋbek ardagerlerı, sondai-aq büldırşınder qatysty.
«Qasterlı kündı jyl saiyn merekeleu öz aldyna, būl dästür üzılmeitın ruhqa ainaluy kerek. Abai – adamzat ūlylyǧynyŋ altyn dıŋgegı. Är adam öz jüregımen, ısımen, boiyndaǧy qūdıretımen Abai ruhyna qyzmet etse, qazaq halqynan baqytty eşkım bolmas edı. Qanşa uaqyt öttı… Abaidan asqan aqyn joq, Abaidan asqan janyŋa jaqyn joq! Qadırlı ǧajap tūlǧany qasterlemeuge haqyŋ joq! Qazaqtyŋ jüregınde Abai qasietı jürse, eşqaşan adaspaitynymyz anyq», – degen oiyn bıldırdı halyqaralyq «Alaş» ädebi syilyǧynyŋ iegerı, arqaly aqyn Serık Tūrǧynbekūly.
Būdan keiın «Jastar» teatry sahnasynda «Jüregımnıŋ tübıne tereŋ boila» atty ädebi-sazdy keş şymyldyǧyn türdı. Astana qalasy äkımdıgı Memlekettık akademiialyq filarmoniiasy qazaq orkestrınıŋ süiemeldeuımen ūly aqynnyŋ «Jelsız tünde jaryq ai», «Közımnıŋ qarasy», «Segız aiaq» syndy änderı äuelep, «Tory jorǧa» küiı kümbırledı. Bas aqynnyŋ bırqatar öleŋderımen örılgen keş Abaidyŋ obrazymen sahnaǧa şyqqan akter Janqaldybek Tölenbaevtyŋ oquyndaǧy «Jüregımnıŋ tübıne tereŋ boila» öleŋımen aiaqtaldy.
Mädina JAQYP
