Keşe Astanada №1 qalalyq balalar auruhanasynyŋ bazasynda 125 keluşını qabyldai alatyn mamandandyrylǧan klinikalyq–diagnostikalyq ekınşı balalar emhanasy aşyldy.
Atalmyş mekeme Saryarqa audanynda tūratyn 80 myŋnan astam balaǧa medisinalyq qyzmet körsetuge qauqarly. 40 oryndy kündızgı stasionary bar. Onda endokrinolog, kardiorevmatolog, logoped, allergolog, hirurg, nefrolog, surdolog, gematolog, neanotolog, gastroenterolog, travmatolog sekıldı mamandar qabyldau jürgıze alady.
Emhana zamanaui medisinalyq qūrylǧylarmen jabdyqtalǧan. Mūnda funksionaldy diagnostikalyq kabinet, ultra-dybystyq tekseru, rentgenologiialyq zertteu, fizioterapiialyq emdeu kabinetı jäne medisinalyq äleumettık kömek körsetetın bölımder bar.
Aita keterlıgı, №1 qalalyq balalar auruhanasy Astana qalasy Medisina universitetınıŋ pediatriia boiynşa negızgı klinikalyq bazasy bolyp tabylady. Onyŋ bes kafedrasynyŋ professorlyq-oqytuşylyq qūramy balalarǧa medisinalyq kömek körsetıp qana qoimai, sapaly qyzmet körsetudı joǧarylatuda därıger-mamandardy üzdıksız oqytyp keledı.
–Astana qalasynyŋ mereitoiy qarsaŋynda aşylǧan mekeme – elordalyqtar üşın asa maŋyzdy äleumettık nysan. Osy uaqytqa deiın Astanadaǧy №2 qalalyq balalar auruhanasy janynda balalarǧa arnalǧan jalǧyz 20 oryndyq kündızgı stasionarly mamandandyrylǧan klinikalyq-diagnostikalyq emhana üş ese jüktememen jūmys jasap keldı. Jaŋa emhananyŋ aşyluy qalanyŋ kışkentai tūrǧyndaryna der kezınde mamandandyrylǧan kömek körsetıp, sapany joǧarylatuǧa mümkındık beredı, – deidı emhana jūmysymen tanystyrǧan Astana qalasy Densaulyq saqtau basqarmasynyŋ basşysy Aigül Segızbaeva.
Gülmira AIMAǦANBET
