Astanadaǧy «Qazaqstan» ortalyq konsert zalynda Elbasy N.Nazarbaevtyŋ «Qazaqstan joly – 2050: Bır maqsat, bır müdde, bır bolaşaq» atty Joldauynyŋ negızgı qaǧidalaryn tüsındıru jönındegı respublikalyq aqparattyq-nasihat tobynyŋ müşelerı elorda jūrtşylyǧymen kezdestı.
Astana qalasy äkımdıgınıŋ ūiymdastyruymen ötken şaraǧa Qarjy ministrı, top jetekşısı B.Sūltanov, Öŋırlık damu ministrlıgı Qūrylys jäne tūrǧyn üi-kommunaldyq şaruaşylyq ısterı komitetınıŋ töraǧasy V.Galiev, Densaulyq saqtau ministrlıgı äkımşılık departamentınıŋ direktory Ä.Jūmaǧaliev jäne respublikalyq aqparattyq-nasihat tobynyŋ basqa da müşelerı men jergılıktı atqaruşy organ basşylary qatysty.
Jiyndy Astana qalasy äkımınıŋ orynbasary Aida Balaeva jürgızdı.
Aldymen söz alǧan Qarjy ministrı «Qazaqstan-2050» strategiiasy künnen künge, jyldan jylǧa elımızdı, qazaqstandyqtardyŋ ömırın jaqsarta tüsetın naqty praktikalyq ıster baǧdarlamasy bolyp tabylady. Bıraq qazırgı naryqtyq jaǧdaida eŋbektenu kerektıgın ärkım-aq tüsınuı tiıs» dei kele, Ükımet biyl ekonomika ösımın 6-7 paiyz deŋgeiınde qamtamasyz etetının, būl oraida, üstımızdegı jyldyŋ qorytyndysy boiynşa halyqtyŋ jan basyna şaqqandaǧy ışkı jalpy önım 14,5 myŋ dollardan kem bolmaitynyn aitty.
– 2050-ge deiıngı jyldar jetı besjyldyqqa bölınedı, olardyŋ ärqaisysy ortaq maqsat – damyǧan otyz eldıŋ qataryna kıruge arnalyp otyr, – dedı B.Sūltanov. – Ortaq şaŋyraǧymyzdyŋ ūlttyq ideiasy – Mäŋgılık el. Būl – täuelsızdıgımız, qoǧamymyzdaǧy ūlttyq bırlık, beibıtşılık pen kelısım, elımızdıŋ ūlttyq qauıpsızdıgı. Osy qūndylyqtardyŋ arqasynda bız ärdaiym jeŋıske jettık, jetıstıkterımızdı eseledık.
Qazaqstannyŋ älemdegı eŋ damyǧan otyz eldıŋ qataryna kıru tūjyrymdamasyndaǧy basymdyqtar turaly aita otyryp, ministr innovasiialyq industriialandyru trendın qalyptastyrudyŋ maŋyzdylyǧyn, sonymen bırge şaǧyn jäne orta käsıpkerlıktı damytu qajettıgın atap öttı. «Jahandyq reitingke säikes, Qazaqstan biznestı jürgızuge eŋ qolaily jaǧdaiy bar elder tobyna kıredı jäne bız būl ürdıstı örıstete tüsuge tiıspız» degen B.Sūltanov şaǧyn jäne orta biznes jaŋa innovasiialyq käsıporyndar töŋıregınde damuy kerektıgın alǧa tartty.
Al, Qūrylys jäne tūrǧyn üi-kommunaldyq şaruaşylyq ısterı komitetınıŋ töraǧasy Vladislav Galiev «Qol jetımdı baspana-2020» baǧdarlamasy şeŋberınde atqarylyp jatqan jūmystarǧa toqtaldy.
Kezdesuden keiın azamattardyŋ jeke qabyldauy ūiymdastyrylyp, qūzyrettı organ basşylary tūrǧyndar kökeiınde jürgen türlı saualdarǧa jauap berdı.
Gülbarşyn ÖKEŞQYZY
