Elımızdıŋ barlyq öŋırlerınde «Birgemiz»jalpyūlttyq jobasy aiasynda volonterlık saladaǧy naqty jergılıktı mındetterdı şeşu üşın bastamalardy jüzege asyruǧa arnalǧan şaǧyn granttar baiqauy bastalady. Ötınımderdı «Birgemiz» jobalaryn jüzege asyryp, şaǧyn granttar baiqauyna qatysu mäselelerı boiynşa keŋes beretın 8 ÜEŪ qabyldaidy, dep habarlaidy astana-akshamy.kz/.
«Birgemiz granttyq baǧdarlamasy» Azamattyq bastamalardy qoldau ortalyǧynyŋ granttyq qarjylandyru aiasynda QR Mädeniet jäne aqparat ministrlıgınıŋ tapsyrysy boiynşa üşınşı jyl qatarynan tabysty jüzege asyryluda. Memlekettık granttardy volonter bop sanalatyn, kämeletke tolǧan qazaqstandyqtar jäne bastamaşyl toptar men ÜEŪ-lar ala alady. Baiqau aiasynda 300 000 teŋgenı qūraityn 240 şaǧyn grant berıledı:
BIRGEMIZ: Bilim – Volonterlerdı tartu arqyly halyqtyŋ ärtürlı toptar arasynda, onyŋ ışınde auyldyq jerlerde sifrlyq, qarjylyq, tıldık, kompiuterlık sauattylyq deŋgeiın arttyru;
BIRGEMIZ: Saýlyq – Densaulyq saqtau salasynda volonterlerdı tartu, onyŋ ışınde stasionarlyq jaǧdaida em ūsynatyn medisinalyq mekemelerge (hospister, onkologiialyq dispanserler jäne t.b.) volonterlerdı tartu;
BIRGEMIZ: Sabaqtastyq – Balalar üilerındegı balalarǧa, sondai-aq äleumettık qorǧau jüiesınıŋ äleumettık qyzmet körsetu ortalyqtarynda ömırlık qiyn jaǧdaiǧa tap bolǧan balalar men jastarǧa, halyqty äleumettık qorǧau jüiesınıŋ äleumettık qyzmet körsetu ortalyqtarynda jäne osy baǧytqa säikes keletın basqa da jobalarda volonterlerge tälımgerlık etu täjıribesın engızu;
BIRGEMIZ: Taza Álem – Qorşaǧan ortany qorǧau, özender men ormandardy tazartu, aǧaş otyrǧyzu, qoqystardy sūryptauǧa üiretu jäne osy baǧytqa säikes keletın basqa da jobalar;
BIRGEMIZ: Asyl mura – Tarihi-mädeni mūra nysandaryn saqtau jäne osy baǧytqa säikes keletın basqa da jobalar;
BIRGEMIZ: Qamqor – Qarttar üilerındegı, halyqty äleumettık qorǧau jüiesınıŋ äleumettık qyzmet körsetu ortalyqtaryndaǧy volonterlık qyzmet jäne osy baǧytqa säikes keletın basqa da jobalar;
BIRGEMIZ: Úmit – Joǧalǧan adamdardy ızdeu, apattar qaupın azaitu, tabiǧi jäne tehnogendık sipattaǧy tötenşe jaǧdailardyŋ saldaryn joiu;
BIRGEMIZ: Ayala – januarlarǧa jauapkerşılıkpen qaraudy qalyptastyru.
Ötınımderdı qabyldau 2024 jylǧy 25 säuırden 14 mamyrǧa deiın jalǧasady. Qajettı qūjattardyŋ tızımı, ūiymdastyruşylardyŋ bailanys nömırlerı, sondai-aq basqa da aqparat Azamattyq bastamalardy qoldau ortalyǧynyŋ https://cisc.kz/ saitynda ornalasqan.
