Chehiianyŋ Pardubise qalasynda qalasynda töl sportymyz toǧyzqūmalaqtan ekınşı älem chempionaty öttı. Qazaq halqynyŋ aqyl-oi men ziiatkerlık oiyny – toǧyzqūmalaqty älemdık deŋgeide tanytu, eŋ üzdık sportşylardy anyqtau, oiynnyŋ halyqaralyq tanymaldyǧy men būqaralyǧyn arttyrudy maqsat etken chempionatty Düniejüzılık jäne Chehiia toǧyzqūmalaq qauymdastyǧy, «Aviakontakt» halyqaralyq ziiatkerlık oiyndardy ūiymdastyru komitetı ötkızdı.
Bairaqty bäsekege Astana qalasynan barǧan tört sportşymyz eldıŋ namysyn qorǧap qaitty. Turnir üş jıkteme: blis (şapşaŋ toǧyzqūmalaq), rapid (belsendı toǧyzqūmalaq) klassika (ärqaisysyna 90 minuttan) boiynşa ötkızıldı. Chempionatqa 10 elden 47 adam qatysty. Onyŋ 28-ı er adam bolsa, 16-sy – näzık jandylar.
Olardyŋ qatarynda Germaniia, AQŞ, Resei, Şveisariia, Türkiia, Ukraina, Latviia, Qyrǧyzstan, Chehiia men Qazaqstan siiaqty elderdıŋ ökılderı boldy. Bırneşe künge sozylǧan saiys qazaq ūlttyq oiynynyŋ älemdık märtebege ie bolǧanyn aiqyn däleldep berdı.
Qazaqstan namysyn tu etken sportşylarymyz būl saiysta jeŋıstı joldan jaŋylmady. Erler arasynda şapşaŋ oinau chempionatynda Aidos Seiıtjanovtyŋ jūldyzy jandy. Ol qarsylasyn aiqyn basymdyqpen ūtyp, bas jüldenı ielendı. Sondai-aq, rapid saiysynda da halyqaralyq därejedegı sport şeberlerı Aidos Seiıtjanov pen Maqsat Şotaev ekınşı jäne üşınşı oryndardan körındı.
Būǧan deiın de türlı respublikalyq, halyqaralyq jarystarda olja salǧan saŋlaqtar būl joly da jeŋıs tūǧyrynyŋ biık satysyna köterılıp, jerlesterıne quanyş syilady. Taǧy bır aita keterlıgı, Germaniianyŋ osy sport boiynşa «Būrşaq» degen türınen jerlesımız Maqsat Şotaev bas jüldenı ielenıp, aldyna jan salmady. Al, Afrikanyŋ «Ovari» oiynynda Aidos Seiıtjanov 3-oryn aldy.
Al, qyzdar arasyndaǧy kezdesulerde Astana qalasynyŋ sport şeberı Güljan Maǧauova rapid boiynşa 3-oryndy ielendı. Osy rette atalǧan sportşylardyŋ keiıngı kezderı tabysty oiyndarymen janküierlerın jelpındırıp jürgen jastar ekenın aita ketken jön. Jalpy, toǧyzqūmalaqtan älem chempionaty basqa elde tūŋǧyş ret ūiymdastyrylyp otyr. Toǧyzqūmalaq – töl oiynymyz degenmen de, Germaniia, Qyrǧyzstan, Şveisariia, Latviia oiynşylary toǧyzqūmalaq sportynyŋ öz elderınde örkendep kele jatqandyǧyn körsettı.
Erkejan SÄTIMBEK
