2000-nan astam astanalyq tūrǧyn «Qaryzsyz qoǧam» qarjylyq sauattylyq kursyn aiaqtady, dep habarlaidy astana-akshamy.kz
«Qaryzsyz qoǧam» jobasy 2023 jyly elımızdıŋ 8 öŋırınde bastaldy. Onyŋ arqasynda bügınde 2200-den astam astanalyq qarjylyq sauattylyq boiynşa bılım aldy.
«Qaryzsyz qoǧam» jobasy boiynşa elımızdıŋ segız öŋırınde 120-dan astam sarapşy oqudan ötıp jatyr. Äleumettık joba sättı jüzege asqannan keiın elımızdıŋ barlyq öŋırınde qolǧa alyndy.
Jobanyŋ tälımgerı Zulfiia Badeevanyŋ aituynşa, oqytu adamdar biudjettı esepteudı, kırıster men şyǧystardy salystyrudy, jeke qarjyny jäne depozitter, nesieler, ipoteka jäne t.b. qarjy qūraldaryn basqarudy üirenetındei qūrylymdalǧan.
«Qarjylyq sauattylyq deŋgeiın arttyrumen qatar, bız alaiaqtyq, bankrottyq, tölem qabılettılıgı siiaqty modulderdı qarastyryp jatyrmyz. Sondai-aq, qarjylyq sauattylyqtyŋ belgılı bır satysynda tūrǧandar investisiia taqyryby boiynşa treningten ötuge şaqyrylady, onda bız aksiialar, obligasiialar jäne qor birjasy turaly äŋgımelesemız. Qatysuşylar üşın bonustyq modul qoljetımdı: biznes ornyn qalyptastyru, memlekettık qoldau şaralary men granttar. Barlyq modulder esepterdı şeşumen jäne keistermen süiemeldenedı, osylaişa qatysuşylar qai jerde paida bar, al qai jerde joq ekenın tüsınedı. Treningtı täjıribemen bırıktıru qatysuşylarǧa qysqa merzımde kursty tolyq tüsınuge mümkındık beredı», – deidı qarjy sarapşysy.
Aita keterlıgı, jobanyŋ erekşelıgı – qatysuşylar sot ısterıne qatysy joq barlyq sūraqtardy talqylau üşın advokatpen keŋese alady. Mysaly, sız 90 künnen astam uaqytty keşıktırıp jatsaŋyz jäne kollektorlar qoŋyrau şalsa, ne ısteu kerek?! Advokat sızge özın qalai dūrys ūstau kerektıgın, qūjattardy räsımdeu jäne qandai şaralar qoldanu kerektıgın aitady.
Mamannyŋ aituynşa, qatysuşylardyŋ 60 paiyzdan astamy – qaryzǧa batqandar.
«Halyqtyŋ qarjylyq sauatynyŋ tömendıgı turaly äŋgıme köp. Mysaly, adamdar kırısı men şyǧysyn eseptemei, bölıp-bölıp, nesie alady. Kurs barysynda bız qatysuşylardyŋ ai saiynǧy töleitın nesiesı tabysynan bırneşe ese asyp tüsetının anyqtadyq. Köp adamdar bölıp töleudıŋ nesie ekenın bılmeidı. Eger adam tölemese, onyŋ nesie tarihy naşarlaidy. Nesie tarihyŋyzdy būzbau nege maŋyzdy? Öitkenı tūrǧyn üi satyp alu, jeŋıldıktı qarjylandyru boiynşa memlekettık baǧdarlamalarǧa ötınış bergende būl eskerıledı. Nesie naşar dep otyrǧan joqpyz, adamdar nesiege sanaly türde qarau kerek. Köptegen adamdar paiyzdyq mölşerlemelerdı qarastyrmaidy. Al būl asa maŋyzdy aspekt», – dep bölıstı Zulfiia Badeeva.
Osylaişa, būl joba qatysuşylarǧa jeke qarjy men otbasy biudjetın josparlaudy üirenuge, alǧan bılımderıne negızdelgen biznes aşuǧa kömektesedı.
