Astana äkımdıgı elordanyŋ barlyq tūrǧyndary men qonaqtaryn 27-28 säuır künderı ötetın «Taza Qazaqstan. Astana – tazalyq pen tärtıptıŋ ülgısı» ekologiialyq ailyqqa qatysuǧa şaqyrady. Osy apta «Jasyl aimaq» ūranymen ötıp, aǧaş otyrǧyzuǧa, ekpelerdı aqtauǧa arnaldy, dep habarlaidy astana-akshamy.kz
Auqymdy ekoaksiia şeŋberınde qalany sanitarlyq tazartu, nöser jäne aryq kärız jelılerı, köşelerdı, trotuarlardy, oramışılık aumaqtardy, qoǧamdyq keŋıstıkter men aulalardy tazalau jūmystary jürgızılude.Sondai-aq jasyl jelekterdı kütıp-baptau jäne otyrǧyzu, sauda nysandaryna ırgeles aumaqtardy jinau, kögaldar men gülzarlardy ornatu, rūqsat etılmegen poligondardy joiu jäne t.b. jūmystar jürgızılude.
Ekoaksiiaǧa qatysuşylar arasynda fitnes-klubqa üş abonementke konkurs ötkızıledı. Tūrǧyndar tarapynan qyzyǧuşylyqty eskere otyryp, olardyŋ konkursqa qatysuǧa köbırek uaqyty boluy üşın qatysu merzımı ūzartyldy. Osylaişa, baiqau qorytyndysy 30 säuırde şyǧarylady. Baiqauǧa kez kelgen qatysa alady.
Ol üşın: Instagram-daǧy Astana äkımdıgınıŋ resmi akkauntyna (@akimat__astana) jazylu, Instagram-daǧy ekoaksiiadan tüpnūsqa vide jariialau jäne jariialanymǧa #tazaastana, #ekoaksiiaastana heştegterın belgıleu qajet (post retınde jariialanuy kerek, stories emes). Kez kelgen jerde, sonyŋ ışınde aulaŋyzdy tazartu kezınde de video tüsırıp, jariialauǧa bolady.
Sondai-aq, qala käsıporyndary, MİB (PİK), şaǧyn jäne orta biznes subektılerı (bazarlar, sauda-oiyn-sauyq ortalyqtary, kafeler, meiramhanalar jäne t. b.) ökılderın, erıktılerdı jäne t. b. ekoailyqqa qatysuǧa şaqyramyz.
