Elektrondyk äkımdık. 2-3 qazan.
«MŪRAGER» KETIRIP JÜR MAZAMYZDY
Energetik kentınıŋ Romantikter köşesındegı 19-üide tūramyn. Körşı üiden «Mūrager» balabaqşasy aşylǧan. Aramyzdy tastan qalanǧan dual bölıp tūr. Maŋaida büldırşınderdıŋ şat külkısın estıp jürgen jaqsy-au. Tek bır yŋǧaisyz jerı, balalar syrtqa oinauǧa şyqqanda şarbaqtan oiynşyq, dop, taiaq, tıptı, kesek laqtyryp, mazamyzdy alady. Aulada kölıgımız tūrady, erteŋ terezesı şaǧylyp qalsa, älde basqalai jaǧdai bolsa, kım jauap beredı? Meilı, kölıktı qoişy, tüneukünı nemerelerım oinap jürgende arǧy jaqtan qoldyŋ basyndai kesek ūşty. Abyrai bolǧanda, timei qaldy. Tärbieşıler qaida qarap jür? Bırneşe märte eskerttık te. Jorta jymiyp, bas izep şyǧaryp saldy.
Gülsina Nūrmaǧambetova
Ötınış 26 qyrküiekte tüsıp, 5 künde jauap berıldı.
Bılım basqarmasy:
– «Mūrager» balabaqşasynyŋ meŋgeruşısı Säulet Qabiqyzynyŋ aituynşa, tärbieşılerge tüsındıru jūmystary jürgızıldı. Atalmyş mekemenıŋ äkımşılıgı sızderden keşırım sūraidy jäne taiauda qorşaudy biıktetudı qolǧa alady.
Kvota da, köŋıl de satuly ma?
Üş jasar qyzym Änel Jandiiarova mamyr aiynan bastap temıretkı dertıne şaldyqty. Tūrǧylyqty meken jaiymyz boiynşa №4 emhanaǧa qaralamyz. Bes ai öttı, därıgerler emdeudıŋ jolyn körsete almai keledı. Pediatrymyz maman därıgerlerge jıberdı. Olardyŋ bırazy aqyly türde qabyldaidy. Tegın qaraityndarynyŋ özıne bır ai būryn jazylyp baryp, zorǧa kıresız. Taldaulardy da aqy tölep tapsyrdyq. Öz balaŋnan aqşa aiamaisyŋ ǧoi. Bıraq eşqandai özgerıs, nätije joq. Uchaskelık pediatr Gainullina Liudmila Sergeevnadan «kvota bere alasyz ba?» dep sūrap edım: «Joq, bere almaimyz. Asa qorqynyşty dert emes qoi» dep selqos jauap berdı. «Jany auyrmastyŋ qasynda basyŋ auyrmasyn» dep aituşy edı qazekem. Därıgerım osylai nemqūraidylyq tanytqanyna renıştımın. Älde kvota da, köŋıl de satuly ma?
Qorqatyn tügesı joq degenı
nesı, säbiımnıŋ şaşy öspei qalsa? Kvota böluge kömektesıp, jaqsy mamanǧa jıberuıŋızdı sūraimyn.
Fariza
Ötınış 23 qyrküiekte tüsıp, 3 künde jauap berıldı.
Densaulyq saqtau basqarmasy:
«№4 qalalyq auruhana» MQK-ǧa qatysty şaǧymyŋyz boiynşa qyzmettık tergeu jürgızıldı. Sızdıŋ balaŋyz 2013 jyldyŋ 4 mausymynan berı L.S.Gainullinanyŋ baqylauynda. Äuelı därıgerge balaŋyzdy tynys jolynda jıtı virustyq infeksiia bar ma degen küdıkpen körsetıpsız. Qaralu barysynda basynyŋ ärbır jerı qasqalanyp qalǧanyn qosa aitypsyz. Osyǧan orai, därıger sızge terı-venerologiialyq aurular dispanserımen, №2 qalalyq balalar auruhanasynyŋ allergolog därıgerımen keŋesuge joldama beredı. Sonymen qatar, äjesınıŋ tegın qarau turaly sūraǧyna därıger «Dermatolog, allergolog därıgerlerdıŋ qorytyndysynan keiın kvota boiynşa respublikalyq diagnostikalyq ortalyqtan ötuge mümkındık bar» dep jauap bergen. 14 mausymda uchaskelık därıger balany köruge üiıŋızge barǧan kezde, sızderdıŋ jekemenşık emhana mamandaryna körıngenderıŋız, olardyŋ parazitarly jäne basqa da infeksiialardy anyqtau üşın tekserıs jasauǧa keŋes bergenı mälım boldy. Iаǧni, sız aitqandai därıger öz betınşe aqyly medisinalyq qyzmetke jön sıltemegen. Aradaǧy tüsınıspeuşılıktıŋ anyq-qanyǧyna jetu üşın jäne balany emdeuge tolyqqandy kömek alu üşın №4 emhananyŋ bas därıgerınıŋ orynbasary A.K.Däuletbekovaǧa jolyǧuyŋyzdy ötınemız. №301 kabinet, telefondary: 57-28-65
Jolaqjol salmai jönge kelmes
Saryarqa men Seifullin köşelerınıŋ qiylysynda jaiau ötkınşı joly belgılenbegen. Kölıkter adamdardyŋ jolyn kes-kestep, oŋailyqpen ötkızbeidı. Ekı jaǧyna da jolaqjol salsa, dūrys bolar edı.
Äli BEKOV
Ötınış 26 qyrküiekte tüsıp, 6 künde jauap berıldı.
Jolauşylar kölıgı jäne avtomobil joldary basqarmasy:
– Körsetılgen jerge jolaqjol salyndy.
Bas köşenıŋ boiynda ballon saqtaidy
Qabanbai batyr daŋǧylyndaǧy döŋgelek alaŋda ornalasqan «Meruert», «Qyşlaq» meiramhanalarynyŋ däl üstındegı şoşala tektes qorjyn üidıŋ ışınde gaz ballondary saqtalady. Qazır älgı közge qoraştau jerdı keŋeitıp jatyr. Sonda ört şyǧu qaupı bar zatty «Qazmūnaigaz» siiaqty maŋdaialdy mekemege taiau jerde erkın saqtai beruge rūqsat bar ma? Qabanbai batyr daŋǧyly qalanyŋ bas köşesı emes pe? Säulet jäne qala qūrylysyn baqylau qyzmetterı qaida qarap otyr?
K.Seiılov
Esıl audanynyŋ äkımdıgı:
–Audandyq tötenşe jaǧdailar jönındegı basqarmamen bırlesken tekserıs nätijesı sızdıŋ sözıŋızdıŋ rastyǧyna köz jetkızdı. «Qyşlaq» meiramhanasynyŋ äkımşılıgı atalǧan jerden ballondardy alyp kettı. Nysandy ört qauıpsızdıgın saqtau boiynşa jospardan tys tekseru üşın Esıl audanynyŋ Tötenşe jaǧdailar jönındegı basqarmasyna ötınış joldauyŋyz kerek. Mekenjaiy: Kerei, Jänıbek handar köşesı, 8-üi. Tel: 42-05-50
Töleqabattaǧylar tözımdı tauysty
188-köşedegı bız tūratyn 14/2 üidıŋ töleqabatynda bıreuler tūrady. Bıluımşe, töleqabat tūrǧyn jaiǧa arnalmaǧan. Keide te-
rezeden olardyŋ üiden şyqqan qoqystaryn jol boiyna laqtyra salatynyn baiqaimyn. Olardyŋ būl jerde zaŋdy türde tūryp jatqanyn qaidan bılsem bolady? Tym bolmasa, köşege qoqys tökpesın dep tärtıpke şaqyrsa deimın.
Gauhar Maqajanova
Ötınış 19 qyrküiekte tırkelıp, 6 künde şara qoldanyldy.
Işkı ıster departamentı:
–Şaǧymda körsetılgen faktı boiynşa Saryarqa audany ışkı ıster basqarmasynyŋ tärtıp saqşylary tekserıs jürgızdı. Nätijesınde, ol jerge «AgropromgrajStroi» JŞS basşylyǧynyŋ rūqsatymen serıktestık qyzmetkerlerı uaqytşa qonystanǧany belgılı boldy. Barlyǧy da Qazaqstan azamattary. Dese de, «AgropromgrajStroi»
basşylyǧyna qyzmetkerlerın tūrǧyn jaiǧa arnalmaǧan jerden jūmysşylaryn köp ūzartpai şyǧaruǧa nūsqau berıldı.
Daiyndaǧan Ädılbek JAPAQ