Elordadaǧy Ūlttyq akademiialyq kıtaphanada Kerei men Jänıbek handar turaly komikstıŋ tūsaukeser räsımı öttı, dep habarlaidy astana-akshamy.kz
Komiks avtory 21 jastaǧy Iliias Iýsupjanovtyŋ aituynşa, otandastarymyzdyŋ köpşılıgı mektep qabyrǧasynda oqyǧan qazaq tarihyna qatysty derekterdı bügınde ūmytyp qalǧan. Sondyqtan da olardyŋ jadynda tarihi derekterdı jaŋǧyrtu üşın «Otandyq 100 komiks» jobasy qolǧa alynyp otyr.
«Almatyda komiksımdı oqyp ülgergen mektepter bar. Alǧaşqy tūsaukeserı de sol jaqta öttı. Oquşylarǧa Qazaq handyǧynyŋ tarihyna qatysty saual qoiǧanymda köpşılıgı jauap beruge daiyn boldy. Menıŋşe, būl «Kerei men Jänıbek» komiksınıŋ nätijesı», – dedı jas qalamger.
Ūlttyq akademiialyq kıtaphana basşysy Ǧaziza Nūrǧalieva mūndai komikster balalardy kürdelı ädebi şyǧarmalardy oquǧa daiyndauǧa tamaşa mümkındık ekendıgın aitady. Onyŋ paiymynşa, komiks oqiǧany surettermen sipattau arqyly-aq jastardyŋ arasynda öte tanymal bolyp tūr.
«Almatyda komikster būryşyn aşqan edık. Dükender ärtürlı janrdaǧy 500 komiks berdı. Däl osy būryş jasöspırımder men balalar arasynda barlyq uaqytta da öte tanymal. Endı osy jerde de sondai būryş aşyp, jastarymyzǧa qazaqtyŋ ūlttyq batyrlaryn tanytqymyz keledı», – dedı Ǧaziza Nūrǧalieva.
