Futboldan Qazaqstan chempionatynyŋ premer-ligasynda jüldeler üşın şeşuşı oiyndar ötude.
Ūlttyq bırınşılıktıŋ jüldelerı üşın talasqa tüsıp jatqan altylyqtyŋ arasynan «Qairat» bırınşı ret köş basyna şyǧyp otyr. Almatylyqtardyŋ enşısınde 26 oiynnan keiın 30 ūpai bar. Al turnir kestesınıŋ ekınşı satysyna ornalasqan «Astana» 24 oiynnan keiın 26 ūpaiǧa ielengen. Elımızdıŋ tört dürkın chempiony «Aqtöbe» äzırge üşınşı orynda keledı. Köş basyndaǧy osy üştıktı quyp jetu üşın «Qaisar», «Şahter» jäne «Ordabasy» komandalary da baryn salatyny anyq.
Al premer-ligada qalu üşın jantalasyp jatqan altylyqtyŋ arasynda «Tobyl» men «Spartak» komandalarynyŋ jaǧdaiy mäz emes. Būl komandalar nebärı 14 ūpaidan jinaqtaǧan. Sondai-aq elımızdıŋ bes dürkın chempiony (!) «Ertıs» te (17 ūpai) qauıptı şekte tūr.
Chempionattyŋ aiaqtaluyna alty tur qaldy, iaǧni, är komanda endı 5-6 oiynnan ötkızedı. Demek, jülde üşın de, joǧary topta qalu üşın de naǧyz «jan alyp, jan berısetın» oiyndar alda dep oilaimyz.
Daiyndaǧan:
Ǧalym QOJABEKOV
