Altyn kenışındegı qaiǧyly oqiǧa 100% «Maiqaiyŋaltyn» AQ-nyŋ kınäsınen bolǧan, dep habarlaidy astana-akshamy.kz
Astananyŋ mamandandyrylǧan audanaralyq äkımşılık soty ışınde «KÄAQQ RO» JŞS-ne qarasty 4 qūtqaruşy bar avtobustyŋ oiyqqa qūlauyna kenış iesı – «Maiqaiyŋaltyn» kompaniiasy kınälı degen qorytyndyǧa keldı. Qaiǧyly oqiǧa jauapty tūlǧalardyŋ äreketsızdıgınen tuyndaǧan.
2024 jyldyŋ 4 qaŋtarynda «Maiqaiyŋaltyn» AQ-nyŋ jerasty kenışınıŋ aumaǧynda «KÄAQQ» ışınde JŞS qyzmetkerlerı avtobus tazartu keŋıstıgıne qūlap ketken edı.
Oqiǧa saldarynan ekı adam qaza tauyp, qalǧan ekeuı habar-oşarsyz joǧalǧan bolatyn.
QR Eŋbek jäne halyqty äleumettık qorǧau ministrlıgı Eŋbek jäne äleumettık qorǧau komitetı töraǧasynyŋ 2024 jylǧy 4 qaŋtardaǧy būiryǧymen Eŋbek kodeksınıŋ 188-babynyŋ 3-tarmaǧyna säikes, eŋbek qyzmetıne bailanysty ölımge äkelıp soqqan jazataiym oqiǧanyŋ sebepterın tergeu maqsatynda komissiia qūryldy.
Tergeu qorytyndysy boiynşa komissiia toptyq jazataiym oqiǧany tergeu aktısın jasap, oǧan jūmys beruşınıŋ 100% kınäsı bar ekendıgın anyqtaǧan.
Bıraq jazataiym oqiǧaǧa bailanysty «Maiqaiyŋaltyn» AQ qatysy joq ekenın aityp, Astananyŋ mamandandyrylǧan audanaralyq äkımşılık sotyna talap aryz tüsırgen.
«Istı qarau kezınde sot tau-ken massasynyŋ keŋıstıkke qūlauy saldarynan toptyq jazataiym oqiǧanyŋ sebepterıne mynalardy jatqyzdy:
1. «Maiqaiyŋaltyn» AQ jauapty tūlǧalary tarapynan tau-ken jūmystarynyŋ qauıpsız jürgızıluıne öndırıstık baqylaudy tiısınşe jüzege asyrmai, jūmys öndırısın qanaǧattanarlyqsyz ūiymdastyruy. 2. Tau-ken jäne geologiialyq barlau jūmystaryn jürgızetın qauıptı öndırıstık obektıler üşın önerkäsıptık qauıpsızdıktı qamtamasyz etu qaǧidalaryn būza otyryp, bloktardy pysyqtau kezınde opyrylu prosesın tiıstı deŋgeide baqylamau.
3. Talapkerdıŋ ken qazbalaryn pysyqtau kezınde qazba bırlıkterın (bloktaryn) jetıldıruge arnalǧan jobalary bolmaǧan (äzırlenbegen).
Derekter men basqa da män-jailar sotta zerttelgen tergeu materialdarymen, onyŋ ışınde saraptamalar men kışı komissiialardyŋ qorytyndylarymen rastaldy.
Jazataiym oqiǧa jūmys uaqytynda «KÄAQQ» JŞS qyzmetkerlerınıŋ eŋbek mındetterın oryndau kezınde bolǧan.
«Maiqaiyŋaltyn» AQ jauapty tūlǧalarynyŋ äreketterınen (äreketsızdıgınen) tuyndaǧan jazataiym oqiǧanyŋ sebepterın negızge ala otyryp, talapkerdıŋ 100% kınäsı bar dep tanyldy», – dep habarlady Astananyŋ mamandandyrylǧan audanaralyq äkımşılık soty.
Osyǧan bailanysty sot Eŋbek komitetı men QR Tötenşe jaǧdailar ministrlıgınıŋ Önerkäsıptık qauıpsızdık komitetıne talap qoiudy qanaǧattandyrudan bas tartty.
Sot Önerkäsıptık qauıpsızdık komitetın tiıstı emes tūlǧa retınde tanydy. Şeşım zaŋdy küşıne engen joq.
Eske sala keteiık, altyn kenışındegı apattyq jaǧdaidan keiın toqtap qalǧan şahtanyŋ jūmysy älı künge doǧarylyp tūr.
