Elımızde eldıŋ märtebesın köteretın, adal qyzmet etıp, keleşek ūrpaqtyŋ qamyn oilaityn jastardy jūmysqa tūrǧyzu üşın jasalyp jatqan mümkındıkter qatary az emes.
Atap aitqanda, juyrda Prezidenttık kadrlyq rezervıne kezektı ırıkteu ötkızılıp, 50 adam rezervke alyndy.
Sondai-aq joǧary nemese joǧary oqu ornynan keiıngı bılım beru baǧdarlamalary boiynşa memlekettık tapsyrys şeŋberınde bılım beru ūiymdaryn (GPA 3.33-ten joǧary) aiaqtaǧan tülekke 1 jyl ışınde oblystardaǧy audan, auyl deŋgeiındegı tömengı memlekettık lauazymdarǧa konkurssyz ornalasu mümkındıgı, «E-Qyzmet» jüiesı arqyly memlekettık qyzmetke ırıkteudıŋ qanatqaqty jobasy jäne oblystyŋ, respublikalyq maŋyzy bar qalanyŋ, astananyŋ Öŋırlık kadr rezervı jüzege asyp jatyr.
Sonyŋ bırı, Öŋırlık kadr rezervıne ırıkteu alǧaş ret ötkızılude jäne ony elımızdıŋ är öŋırındegı kadr komissiiasy jüzege asyrady. Irıkteuge 35 jastan aspaǧan, joǧary bılımı jəne 3 jyldan kem emes eŋbek ötılı bar Qazaqstan Respublikasynyŋ azamattary qatysa alady.
Astana qalasynyŋ öŋırlık kadr rezervı äleumettık sala, tūrǧyn üi-kommunaldyq şaruaşylyq jäne infraqūrylym, ekologiia, sifrlandyru baǧyttary boiynşa jüzege asatyn bolady.
Būl jobaǧa qūjat qabyldau aǧymdaǧy jyldyŋ 1 nauryzda bastalyp, 31 nauryzǧa deiın jalǧasatyn bolady. Öŋırlık rezervke qatysu üşın ümıtkerler tiıstı qūjattaryn tapsyryp bolǧannan keiın, zaŋnamany bılu boiynşa testıleu, jeke qasietterın jäne assessment-ortalyq jürgızetın qūzyretterdı baǧalau, komissiiadaǧy qūrylymdyq sūhbat kezeŋderınen ötuı tiıs. Osy kezeŋderden sürınbei sättı ötken ümıtkerler öŋırlık rezervke ekı jyl merzımge alynyp, olar turaly aqparat Agenttıktıŋ internet-resurstarynda, sondai-aq onir.pkrezerv.kz onlain-platformasynda jariialanady.
Osy sekıldı elımızde memlekettık qyzmetke ırıkteudı jeŋıldetıp, öz tiımdılıgın körsetetın jobalar memlekettık apparatta bılıktı jas mamandardyŋ jūmys ısteu körsetkışın arttyratyny anyq.
Al memlekettık qyzmetke ırıkteu boiynşa şetelderde de osyǧan ūqsas jobalar bar. Atap aitatyn bolsaq, Memlekettık basqaru jäne önerkäsıptık menedjment mektebınıŋ qyzmetıne erekşe nazar audarylatyn Japoniiada kadrlyq rezervterdı daiyndaudyŋ qyzyqty täjıribesı jinaqtalǧan. Būl mekteptıŋ tülekterı, täjıribe körsetkendei, Japoniianyŋ saiasi jäne ekonomikalyq köşbasşylaryna ainalady, iaǧni kadrlyq rezervte ūzaq merzımdı perspektivada memlekette joǧary lauazymdardy atqaruǧa tiıstı adamdardy daiyndau basymdyqqa ie. Erekşılıgı – bılımı jäne käsıbi täjıribesı bar, jasy 25-ten aspaǧan, denı sau er adamdar ǧana oqidy.
Ūlybritaniiada memlekettık qyzmettegı kadrlyq rezervpen jūmys «Jyldam aǧyn» baǧdarlamasy boiynşa jüzege asyrylady. Būl rezervten bos lauazymǧa jäne kerısınşe kadrlardyŋ jyldam rotasiiasyn jeŋıldetedı. Baǧdarlamanyŋ qaǧidasy: ümıtkerler täjıribe jinaqtau üşın qyzmetke kırgennen keiın bırneşe jyl boiy bölımnen bölımge belsendı türde auystyrylady. Bes jyldan keiın ümıtkerler baǧdarlamadan ketedı, al olardyŋ mansaby keiınnen memlekettık organdardaǧy personaldy basqarudyŋ jalpy prinsipterıne säikes qūrylady.
AQŞ-ta memlekettık qyzmetşılerdıŋ kadrlyq rezervın ırıkteu jäne onymen jūmys ısteu jüiesı, negızınen, amerikalyq kommersiialyq firmalardyŋ kadrlyq saiasatynyŋ täjıribesıne negızdelgen. Būl jerde eŋ aldymen, General Motors, General Electric, Microsoft siiaqty ırı korporasiialar turaly bolyp jatyr. Būl kommersiialyq kompaniialarda kadrlyq rezerv tehnologiiasynyŋ mänı qarapaiym: kompaniia qyzmetkerlerınıŋ arasynan keleşegı zor qyzmetkerler ırıktelıp alynady, olar keiınnen basşylyq qyzmetterdı atqara alady.
Halyqaralyq täjıribege qarai otyryp, ärqaisymyz jaŋa Qazaqstannyŋ qūryluyna üles qosyp, jaŋa ruhani örkenietımızdıŋ negızın qalauǧa, qoldauǧa, qorǧauǧa atsalysaiyq! Qazaqstannyŋ jaŋarǧan kelbetın qalyptastyru jastardyŋ mındetıne ainalsyn!
Memlekettık qyzmet ısterı
agenttıgınıŋ Astana qalasy
boiynşa departamentı
