Keşe Ortalyq kommunikasiialar qyzmetınıŋ brifingıne kelgen Parlament Mäjılısınıŋ deputaty, «Aq jol» demokratiialyq partiiasynyŋ fraksiia jetekşısı Azat Peruaşevtıŋ pıkırınşe, Euraziialyq ekonomikalyq odaq jaŋa jūmys oryndarynyŋ aşyluyna, käsıporyndar tabysynyŋ ūlǧaiuyna jäne jalaqynyŋ ösuıne negız beredı.
Onyŋ aituynşa, Euraziialyq ekonomikalyq odaq aiasynda baǧa saiasaty qaitse de tüzetıledı. Qazaqstandyq käsıporyndardyŋ Reseige jäne Belorus Respublikasyna önımderın ötkızuge jol aşylady. Ärine, tabys quǧan olar quattylyqtaryn da arttyruǧa mäjbür bolady. Al, ol qosymşa jūmys qoldaryn qajet etedı. Tabys molaiǧanda, käsıporyn jūmysşylarynyŋ da jalaqysy köterıledı. Sonymen bırge el ışınde satylatyn tauarlar qymbattatuy mümkın. Tūtynuşyǧa auyr times üşın jalpy jūrttyŋ da jalaqysy ösırıledı.
Būl jönınde: «Baǧa 10 paiyzǧa, al, jalaqy 50 paiyzǧa össe, qorqatyn eşteŋesı joq. İnfliasiianyŋ da äkeler paidasy bar. Ol 3-4% şegınde bolsa, ūtylmaimyz. Ol üşın Ükımet tiıstı jūmysty atqarady dep oilaimyn» dedı A. Peruaşev.
Halyq qalaulysynyŋ esepteuınşe, EAEO bäsekelestık üşın kerek. Qazırde ekonomikalyq odaq aiasynda özge elderden qalyp kele jatqanymyzdy jasyrmaǧan ol būl mäsele boiynşa Ūlttyq institusionaldy palatanyŋ saraptamasyn alǧa tartty. Oǧan sensek, 2012 jyldan berı eksport pen import jaǧynan ūtyludamyz. «Qazaqstan täuelsızdık alǧan jyldardan berı öŋdeuşı sektordy aiaqqa tūrǧyza almai keledı» dedı deputat.
Mäjılıs deputaty onyŋ sebebın sol jyldardan bastap naryǧymyzdy barlyq elderge aiqara aşyp qoiǧanymyzben tüsındırdı. Özge elderdıŋ tauaryn tūtyna bastaǧan bız öz öndırısımızdı ūmyttyq. Otandyq käsıpkerler şeteldıktermen bäsekelese almady. Bıraq, Euraziialyq ekonomikalyq odaq sol olqylyqty tüzetuge mümkındık berıp otyr. «Euraziialyq ekonomikalyq odaqtyŋ qūryluy – bügıngı künnıŋ talaby. Mūnyŋ jūmysy sauatty jürgızılse, kütetın nätijege sözsız jetemız» deidı A. Peruaşev.
Amanǧali ŞMİTŪLY
