Jaz mezgılı aiaqtaluǧa jaqyn. Sondyqtan qalada jylytu mausymyna daiyndyq bastalyp kettı. Jylumen qamtamasyz etetın qalalyq ştab Astana qalasyndaǧy quat keşenın, tūrǧyn üi-kommunaldyq şaruaşylyq, bılım beru, mädeniet jäne densaulyq nysandarynyŋ jylytu mausymyna daiyndyǧyn pysyqtauda. Ştabtyŋ jospary bekıtılıp, soǧan säikes apta saiyn ştab otyrystary ötkızılıp keledı.
Quat közderı
Astana qalasyn jylumen JES-1, JES-2 jäne «Astana-Energiia» AQ audandyq qazandyqtary qamtamasyz etedı. Otyn qoryna toqtalatyn bolsaq, qalalyq energetika basqarmasynyŋ basşysy Baqtybek Japaevtyŋ aituynşa, kömır – 132 876 tonna, mazut – 8 185 tonnany qūraidy. Jalpy, jylytu mezgılınıŋ bas kezıne taman beketterde jiyrma täulıkke jeterlık normativtık otyn qory bar.
Onyŋ ışınde JES-1 ülesı – 36 140, JES-2 – 185 420 tonna eken.
Basqarma basşysynyŋ mälımetıne süiensek, 2016 jyldyŋ kömır tasu kestesı jasalyp, är aiǧa bölıngen. Al 2017 jylǧa kömır jetkızu turaly kelısım osy jyldyŋ aiaǧynda jasalady. Aita ketken jön, qalamyzǧa mazut jetkızu boiynşa «Alma Mūnai Treid» kompaniiasymen kelısım jasalǧan. Jylytu mezgılınde mazutqa degen mūqtajdyq (qazannan säuır aiyna deiın)
9 708 tonnany qūraidy.
Bügınde «Astana-Energiia» AQ negızgı jäne qosalqy qūral-saimandary bekıtılgen kestege säikes jöndeu jūmystarynan ötken.
Jylu jäne elektr jelılerı
Elordalyqtardy ortalyq jylumen qamtamasyz etude JES-1, JES-2 jäne audandyq qazandyqtardyŋ mümkındıgı joǧary. «Astana-Teplotranzit» AQ qyzmet etetın jylytu jelılerınıŋ jalpy ūzyndyǧy 583 şaqyrymdy qūraidy. Al jylumen qamtamasyz etu jüiesındegı sorǧyş beketterdıŋ sany – 10. Käsıporyn säuır-qyrküiek ailarynda kürdelı jöndeu jūmystaryn jürgızgen. Atap aitqanda, 1,15 şaqyrym toraptyq jelıler, 1,432 şaqyrym bölu jelılerı jöndelgen. Sonymen qatar, qūbyr syrtyn jylumen oqşaulaudy qalpyna keltıru jūmystary da aiaqtalyp qalǧan.
Bas qaladaǧy «Astana-REK» mekemesı jalpy ūzyndyǧy 3631 şaqyrymdy qūraityn elektr jelılerıne qyzmet körsetedı. Şaǧyn beketter sany – 1 134.
«Astana-REK» käsıporyny da kürdelı jöndeu baǧdarlamasy boiynşa qūral-saimandaryn sailap qoiǧan.
P.S. «Astana-Energiia» mekemesınıŋ jylytu mezgılıne jalpy daiyndyǧy – 88,0%, «Astana-Teplotranzit» – 62,7%, «Astana-REK» AQ 65,9% qūraidy.
Gülmira AIMAǦANBET
