Astanada Qaldaiaqov köşesınde kölık qozǧalysyna ışınara şekteu engızıledı, dep habarlaidy astana-akshamy.kz
LRT qūrylysyn jürgızu josparyna säikes, magistraldı jürıs bölıgıne ırgeles uchaskelerde Astana qalasynyŋ polisiia departamentınıŋ kelısımı boiynşa Ş.Qaldaiaqov köşesı boiyndaǧy jol qozǧalysyna özgerıs engızıledı.
26 säuırden 16 şıldege deiın M3 köpırınen J. Näjımedenov köşesıne (İ. Panfilov köşesı) deiıngı aralyqta qūrama temırbeton arqalyqtardy montajdau jūmystaryn jürgızu üşın Ş.Qaldaiaqov köşesındegı qozǧalys ışınara şektetıledı jäne qozǧalys jolaqtary qysqartylady. Būl rette mynaǧan tyiym salynady:
– M3 köpırınen Täuelsızdık daŋǧylyna qarai tura jüruge;
– M3 köpırınen J.Näjımedenov köşesıne solǧa qarai būryluǧa;
– İ.Panfilov köşesınen M3 köpırıne solǧa qarai būryluǧa;
– J.Näjımedenov köşesınen Ş. Qaldaiaqov köşesıne solǧa qarai būryluǧa.
Rūqsat etıledı:
– M3 köpırınen oŋ jaq sez arqyly İ.Panfilov köşesıne būryluǧa;
– İ.Panfilov köşesınen Ş. Qaldaiaqov köşesıne oŋ sez arqyly būryluǧa.
26 säuırden 18 mamyrǧa deiın J. Näjımedenov köşesınen (İ. Panfilov köşesı) Täuelsızdık daŋǧylyna deiıngı aralyqta qūrama temırbeton arqalyqtardy montajdau jūmystaryn oryndau üşın Qaldaiaqov köşesındegı qozǧalysqa tolyq şekteu engızıledı. Būl rette:
– «Fransuz kvartaly» TK, «İtaliia kvartaly» TK, «Avstriialyq kvartal» TK, «Monaco Residense» TK tūrǧyndary üşın jergılıktı jol arqyly oŋtüstık baǧyt boiynşa avtokölık qozǧalysyna rūqsat etıledı;
– Ş.Qaldaiaqov köşesınıŋ negızgı jürıs bölıgıne jergılıktı joldan şyǧuǧa, sondai-aq Ş. Qaldaiaqov köşesınen Täuelsızdık daŋǧylyna solǧa jäne oŋǧa būryluǧa tyiym salynady;
– Täuelsızdık daŋǧylynan M3 köpırıne qarai batys baǧytta kölık qozǧalysy jolaqtardy qysqartu jolymen jüzege asyrylady.
Būl rette J. Näjımedenov köşesı (İ. Panfilov köşesı) jäne Täuelsızdık daŋǧyly boiynda ötpelı qozǧalys aşyq bolady.
Elorda qonaqtary men tūrǧyndary jol jüru baǧytyn aldyn ala josparlauy qajet.
