Qūrylys sapasy köŋıl könşıtpeidı

Astanadaǧy äleumettık nysandar men tūrǧyn üilerdı jobalau men qūrylysynyŋ sapasyna qalalyq mäslihat deputattarynyŋ köŋılı tolmaidy. Olardyŋ pıkırınşe, keibır nysandar qala kelbetın būzyp tūr. Şahar şetındegı tūrǧyn alaptardyŋ problemasy da şaş etekten. Mäslihattyŋ qūrylys, ekologiia, kölık, sauda jäne tūrǧyn üi-kommunaldyq şaruaşylyq mäselelerı jönındegı tūraqty komissiiasynyŋ otyrysynda deputattar tiıstı mekeme basşylarynyŋ nazaryn osyǧan audardy.

«ŞARYN» MEN «ŞANHAIDAǦY» ŞATAQ

«Şaryn» jäne «Şanhai» bazarlarynda beibereketsızdıktı baryp körıŋızder. Beinebır qa­lada emes, kolhozda tūrǧandaimyz. Kölıkpen būl bazarlarǧa jaqyndau mümkın emes. Basqa şaharda emes, Astanada ömır sürıp jatyr­myz ǧoi» dedı deputat Zeinolla Şıbkenov.
Säulet, qala qūrylysy jäne jer qatynastary basqarmasynyŋ basşysy Baqtybai Taitalievtıŋ uäjınşe, atalmyş bazarlar qalaǧa kıreberıs jolynda ornalasqan. Joldyŋ 80 metrı şahar aumaǧy bolyp sanalady. «Jer komissiiasy otyrysynda osy mäselenı ünemı talqylaimyz. Būl 80 metrdı basyp alu oqiǧalary jiılep kettı. Sonyŋ saldarynan bazarlarǧa kölıkpen jaqyndau, jaqyndasa kerı şyǧu mümkın bolmai kettı. Qazır bazarlarǧa şyǧys jäne batys jaqtarynan joldardy salu mäselesımen ainalysyp jatyrmyz. Būl joldar logistikalyq qyzmet atqarmaq. Al qalanyŋ menşıgındegı 80 metrdı bosatamyz. Qys ötken soŋ ony jäne maŋaiyndaǧy basqa aumaqtardy tiıstı jaǧdaiǧa keltıremız» dedı basqarma basşysy.
Sondai-aq, Zeinolla Şıbkenov Qaraǧandyǧa şyǧa berıs jolynda «Damu» qory salyp jat­qan üilerde nöser kärızı oilastyrylmaǧanyn ait­ty. «Almaty audany­nyŋ äkımdıgı nege dabyl qaqpai otyrǧanyna taŋmyn. Tömende ornalasqan üiler, balabaqşalar erteŋ su astynda qalady. Sol jaǧyndaǧy jolǧa asfalt töselgen. Bıraq auyr jük kölıkterı joldy oiqy-şoiqy jaǧdaiǧa jetkızdı. Nöser kärızı salynbai, jol da älı jöndelmegen. Bır närsenı jobalaǧanda bärın aldyn ala oilas­tyru kerek qoi» dedı deputat.

MEKTEPTERDE JEDELSATY NEGE JOQ?

Qaladaǧy bırqatar mektepterge jaqyndaityn jol da salynbaǧan. Deputattar osy mäselenı de qozǧady. «Feisbuk» arqyly Astana äkımı Baqyt Sūltanovqa ötınış kelıp tüstı. Onda №76, 75, 69, 79, 41, 18, 60 mektepterge jaqyndaityn joldyŋ joqtyǧy turaly aitylǧan» degen deputat İrina Manjanova Astanadaǧy mektepter qūrylysynyŋ jobasyndaǧy kem­şılıktı atap körsettı. «Būl joba menıŋ qolyma osydan üş ai būryn kelıp tüstı. Mektep aulasyndaǧy balalar alaŋy 1977 jylǧy tiptık joba boiynşa salynbaq. Sonda alǧa emes, kerı ketıp baramyz ba?» dedı deputat.
Onyŋ ärıptesı Zäure Jüsıpova bılımnıŋ mügedek balalarǧa qoljetımdılıgı mäselesın köterdı. «Barşa balaǧa bılım bırdei qoljetımdı boldy dep ūrandap jatamyz. Alaida ol turaly aitu älı erte. Bılım auyratyn barlyq jetkınşekke qoljetımdı emes. №83 jäne №65 mektepterden Qalalyq ortany regenerasiialau basqarmasyna oqu oryndarynda liftterdıŋ joqtyǧy turaly hat kelıp tüsken. Atalǧan mektepterde mügedek balalar oqidy. Qazır mektepter tiıstı joba bo­iynşa salynyp jatyr. Olarda da lift bolmaityny anyq. Osyndai bırkelkı jobamen 12-13 mektep salynbaq» dedı Z.Jüsıpova. Qūrylys jäne tūrǧyn üi saiasaty basqarmasynyŋ basşysy Ruslan Ahmetov mektepterdı jobalaǧanda liftterdıŋ boluyn eskeru kerektıgı jönınde deputatpen kelıstı.

TŪRǦYN ÜI KEŞENDERINIŊ QŪRYLYSY TŪRALAP TŪR

Prigorodnyi tūrǧyn alabynda osydan ekı jyl būryn paidalanuǧa berılgen köppäterlı üidıŋ jertölelerın köktem men küz mezgılderınde tasqyn jäne qar sulary basady. Tūrǧyndar üige kırgennen osy mäselenı köterıp kele jatyr. Osyny jetkızgen İrina Manjanova üidı jobalaǧanda qate ketkenın aitty. «Osy mä­sele boiynşa jauapty mekemege hat jıberdım. Jauabynda üidıŋ jobasyndaǧy sular jinalatyn ornyn qalalyq säulet basqarmasy belgılegenı aityldy. Jobany üş ret tekserdı. Sonyŋ ışınde tapsyrys beruşı, merdıger, jobalauşy jūmysy qaraldy. Qalanyŋ kollektoryna su qalai jıberıledı? Prigorodnyida kollektor mülde joq qoi. Ekı jyl boiy jertölelerdı su basyp jatyr. Al problemanyŋ şeşıletın türı älı joq» dedı deputat.
Qalada paidalanuǧa berılmegen, alaida halyq kırıp ülgergen tūrǧyn üiler de bar. Būl mäselenı deputat Gaidar Qasenov qozǧady. «Jaqynda maǧan «Aq şaŋyraq» tūrǧyn üi keşenınıŋ tūrǧyndary kelıp, mäselelerın aityp kettı. Üi paidalanu­ǧa berılmese de, sonda tū­ryp jat­qan jūrt sport alaŋyn saludy, aulany abattandyrudy sūrap otyr. Ärine, būl talaptary oryndy» dedı ol.
Qalalyq orta sapasy jäne baqylau basqarmasynyŋ basşysy Tölegen Qūlyşevtıŋ aituynşa, atalmyş tūrǧyn üi keşenınıŋ qūrylysy 2006 jyldan berı sozylyp kele jatyr. Bırınşı kezegı 2010-2011 jyldary tapsyryldy. Qūrylys saluşy ekınşı kezegın jaqyn jyldary tapsyru turaly mındetteme aldy. Halyq bırte-bırte päter kıltterın ala bastady. «Mūnda taǧy bır mäsele bar. Tūrǧyn üige aparatyn jol salynbaǧan. Anyqtaǧanymyzdai, osy aumaqtaǧy jerge ielık etu mäselesı şeşılmei kele jatyr» dedı basqarma basşysy.
Deputattar tiıstı bas­qarma­lar arasynda bailanystyŋ joqtyǧyna nazar audardy. Jalpy şaharda mäselesı şeşılmegen 10 köppäterlı tūrǧyn üi bary anyqtaldy. Būl üilerdıŋ qūrylysy 2006-2008 jyldary bastalǧan. Keiınnen nysandarda jaryqşaqtar paida bolǧan. Sondyqtan qūrylys kons­truksiia­laryn küşeitu qolǧa alynǧan.