Samat Qabdulin, Astana qalasy Turizm, dene tärbiesı jäne sport basqarmasy basşysynyŋ mındetın atqaruşy
Astanada qala halqyn būqaralyq sport şaralaryna tartu, salauatty ömır saltyn nasihattau, sondai-aq turizmdı damytu jolǧa qoiylyp keledı. Äsırese, elordalyqtardyŋ belsendı demalysyn ūiymdastyruǧa barynşa köŋıl bölıne bastady. Ötken beisenbıde elorda tūrǧyndarymen bolǧan tıkelei tıldesu barysynda qalalyq Turizm, dene tärbiesı jäne sport basqarmasy basşysynyŋ mındetın atqaruşy Samat Qabdulin osy jäne özge de mäseleler töŋıregınde äŋgımeledı.
Miragül:
– Bas qaladaǧy sport nysandary tek qana elordamyzdyŋ sänı men saltanatyn aişyqtap qana qoimai, halyqaralyq sport arenasyna ainalyp otyrǧany anyq. Taiau keleşekte qandai jarystar ūiymdastyrudy josparlap otyrsyzdar?
– «Astana Arena» stadionynda Europa chempionatynyŋ ırıkteu oiyndary ötkızılıp tūrady. Mäselen, 13 qazanda Qazaqstan men Chehiia qūramalary arasyndaǧy matchty tamaşalauǧa bolady. Al «Saryarqa» velotregınde 10-12 qazan aralyǧynda dziudodan «Gran pri-2014» halyqaralyq jarysy ötkızıledı.
Nailia:
– Astanada qazaq küresınen jattyǧular bolyp tūra ma? Bolsa, ol turaly tolyqqandy aqparatty kımnen jäne qaidan bıle alamyn?
– Qazaq küresınen oqu-jattyǧu bas qaladaǧy Gete köşesı, 10 mekenjaiy boiynşa ornalasqan Qazaq kölık jäne kommunikasiialar akademiiasy kolledjınıŋ sport
zalynda ötkızıledı. Jattyqtyruşy Estek Erlanmen
8-701-212- 53-46 telefon nömırı arqyly habarlasuyŋyzǧa bolady. Basqa da mäseleler boiynşa bızdıŋ basqarmanyŋ www.sport.astana.kz saitynan qosymşa aqparattar ala alasyz.
Kümıs:
– Qyzym alty jasta, äne-mıne mektepke barady. Oǧan qandai sport türımen ainalysqan dūrys?
– Qyz balaǧa körkem gimnastika, sporttyq bi, mänerlep syrǧanaumen ainalysqan jarasymdy, al ūl balalar köbıne sport üiırmelerıne segız-toǧyz jastan bastap qabyldanady. Jüzuge, sporttyq gimnastikaǧa olardy jetı jastan da qabyldaidy.
Didar:
– Elbasy tapsyrmasy boiynşa elımızdegı barlyq sport nysandary bos tūrmauǧa tiıs. Astanada osy mäsele qalai şeşılıp jatyr?
– Qazırgı uaqytta elordalyq sport nysandarynda bızdıŋ basqarmaǧa qarasty sport mektepterı men klubtardyŋ tärbielenuşılerı jattyǧady. Osy oraida, Memleket basşysy būqaralyq sportty damytu, onyŋ ışınde sport nysandaryn qarapaiym halyq üşın qoljetımdı etu jönınde naqty tapsyrmalar bergenı anyq. Būl baǧytta Astanada jüielı jūmystar jürgızılıp jatyr. Mäselen, «Alau» mūz aidyny saraiy, «Saryarqa» velotregı jäne «Astana Arena» stadiony käsıpqoi sportşylarmen qatar, qarapaiym tūrǧyndar üşın qyzmet körsetıp keledı.
Almas Haidar:
– Qaiyrly kün, Samat Amangeldıūly?! Qalalyq Turizm, dene tärbiesı jäne sport basqarmasy qyzmetkerlerınıŋ aldyndaǧy basty mındet ne dep esepteisız?
– Bastysy, elordalyq turizm jäne sportty damytu, halyqaralyq därejedegı sportşylardy daiyndau, salamatty ömır saltyn qalyptastyru jäne t.b.
Negızgı maqsatymyz – elordalyq sportşylardyŋ joǧary jetıstıkterge qol jetkızuıne jaǧdai tuǧyzyp, mümkındık jasau. Būl oraida atqarylǧan şaralar men atap ötuge tūrarlyq tabystarymyz barşylyq. Bız būqaralyq sport şaralaryna barynşa nazar audaryp otyrmyz. Onyŋ bırneşe sebebı bar. Bırınşıden, Astanaǧa är jaqtan kelıp qonystanyp jatqan ärtürlı, är qyrly daryndy sportşylardy tanyp, qatarymyzǧa tartu. Ekınşıden, jekelegen eŋbek ūjymdarynda, äsırese, jasöspırımder arasynda dene şynyqtyru mädenietın qalyptastyruǧa niettımız. Üşınşıden, Elbasy atap körsetken «Astana halqynyŋ densaulyǧy şymyr boluy kerek» degen talaby tek därıgerge qoiylǧan mındetteme emes. Densaulyqty şynyqtyruǧa är adamnyŋ özınen bastap, qoǧamda jan-jaqty mümkındıkter jasauǧa tiıspız. Mıne, osyndai şaralardyŋ arqasynda bolaşaqta Astana qalasynyŋ naǧyz saiysker, saidyŋ tasyndai ırıktelgen sportşylary ösıp qalyptasady.
Janat:
– Samat Amangeldıūly, qazırgı jastar sportqa qanşalyqty jaqyn?
– Astanada sportpen jüielı türde ainalysatyndardyŋ denı – on segız jasqa deiıngı balalar. Olar jalpy halyqtyŋ jartysyn, naqtyraq aitsaq, 56,6 paiyzyn qūraidy. Bügıngı taŋda qalada 100-den asa sport türımen ainalysuǧa mümkındık bar. Tek, ärkım ony öz qalauymen taŋdai alady.
Qūralai:
– Elımızdıŋ bas qalasy – Astanada paraolimpiadalyq oiyndarǧa sportşy daiyndau qanşalyqty deŋgeide qolǧa alynǧan?
– Astana qalasynda mümkıdıgı şekteulı jandar üşın Qazaqstanda alǧaşqy bop aşylǧan «Qaisar» sport kluby jūmys ısteidı. Onda 13 sport türınen 320 adam jattyǧady.
Qanat Balǧabaiūly:
– Balalar men jasöspırımder sport mektepterınıŋ suda jüzu üiırmesıne qai jastan bastap beruge bolady?
– Jalpy, sport mektepterınıŋ balalar jetı jastan bastap qabyldanady. Elordamyzda jaŋa mektepterdıŋ paidalanuǧa berıluıne bailanysty sport zaldary men alaŋdar da köbeiıp otyr. Mäselen, qalamyzdyŋ Saryarqa, Almaty jäne Esıl audandarynda qysy-jazy sportpen ainalysuǧa bolatyn sport alaŋdary bar. Olar tūrǧyndardyŋ igılıgıne de paidalanylady.
Ryspek Oralov:
– Biyl Almaty qalasyndaǧy Qazaq ūlttyq universitetın turizm mamandyǧy boiynşa üzdık diplommen bıtırdım. Sızderde jūmysqa ornalasa alamyn ba?
– 2013 jylǧy 13 nauryzda qabyldanǧan «Qazaqstan Respublikasynyŋ Memlekettık qyzmet turaly» zaŋynda körsetılgen talaptarǧa säikes, memlekettık qyzmetke ümıtkerler konkurstyq negızde qabyldanady. Alaida, qazırgı kezde bızdıŋ basqarmada ştat tolyq, bos oryn joq.
Aibek:
– Sälemetsız be?! Astanalyqtardyŋ basym bölıgı salauatty ömır saltyn ūstanady degendı estıdım. Elorda tūrǧyndary sporttyŋ qandai türımen köbırek ainalysady?
– İä, äleumettanuşylardyŋ soŋǧy zertteulerı boiynşa Astana qalasynyŋ ärbır törtınşı tūrǧyny sportpen ainalysady. Köpşılıgı jüzuge barsa, ärbır besınşı elordalyq boks, küres sekıldı jekpe-jek türlerın taŋdaidy eken. Al, sporttyŋ eŋ būqaralyq türıne ainalǧan futbolǧa degen ynta-yqylas alaböten. Odan ärı hokkei, mänerlep syrǧanau, körkem gimnastika, sporttyq bimen şūǧyldanuşylar qatary da jyl ötken saiyn artyp keledı. Jalpy, būl rette elorda basşylyǧy qalalyqtar dene tärbiesımen şūǧyldanudy ainymas ädetke ainaldyruy üşın barynşa qolaily jaǧdai tuǧyzyp otyr. Sondai-aq, qazır keşkı samalmen qydyrystap jürgenderdı künde kezdestıretın boldyq. Mūnyŋ bärı astanalyqtardyŋ auyrmaudyŋ jolyn ızdep, sportqa den qoia bastaǧanyn aŋǧartady.
Zuhra:
– Men toǧyz jasymnan bileimın. Qazır on jetıdemın. Jeke bi üiırmesın aşqym keledı. Būl mümkın be?
– Sporttyq bi boiynşa seksiia aşu üşın sporttyq orta käsıbi nemese joǧary bılımıŋız boluy tiıs. Sodan keiın ǧana qalǧan qūjattardy räsımdeuıŋızge bolady.
Daiyndaǧan: Gülbarşyn ÖKEŞQYZY
