Keşe qalalyq mäslihatta önerkäsıp pen käsıpkerlık, biudjet, ekonomika mäselelerı boiynşa tūraqty komissiianyŋ kezektı jiyny öttı.
Kün tärtıbınde bırneşe mäsele qaraldy. Jiynǧa mäslihat deputaty Uälihan Dosaev töraǧalyq ettı. Mäslihat hatşysy Sansyzbai Esılov bastaǧan bırqatar deputattar men keibır basqarma ökılderı qatysyp, elordaǧa qatysty özektı saualdardy tarazy basyna tartty.
Alǧaşqy mäsele salyq jönınde örbıdı. Osy tüitkıl haqynda baiandama jasaǧan Salyq departamentı bastyǧynyŋ orynbasary Nūr Jartybaevtyŋ qosymşa salyq közderın ızdeu maqsatyndaǧy saualy qaita qarauǧa jıberıldı. Öitkenı, olar qosymşa salyq közderı nysanyna tabiǧi resurstardy paidalanudyŋ emissiiasyn köbeitudı ūsynǧan edı. Būǧan «Astana qalasynyŋ Tabiǧi resurstar jäne tabiǧat paidalanudy retteu basqarmasy» MM bastyǧy Bolat Ahmetov älı de erterek ekenın, olardy tolyqqandy oilastyru qajettıgın alǧa tarty. Sondyqtan Sansyzbai Esılovtıŋ aituynşa, mäslihatta qaralmas būryn mūndai äleumettık maŋyzy zor mäseleler aldymen qalalyq äkımdıkte jete tekserılıp, jan-jaqty baǧamdalyp, tolyq zerttelıp baryp halyq qalaulylaryna jetkerıluı tiıs. Būl mäsele qaita pysyqtauǧa qaldyryldy.
Ekınşı tüiındı taqyryp käsıpkerlık turasynda boldy. Naqtyraq aitqanda, mausymaralyq sauda pavilondaryn şyǧaru jaiynda bırqatar şaǧymdar tüsken. Būǧan jauapty – Astana qalasynyŋ Säulet jäne qala qūrylysy basqarmasy. Bırneşe käsıpker sauda pavilondaryn şyǧaruǧa rūqsat ala almai jürgenderıne aryzdanǧan. Sol aryzdanuşy 45 käsıpkerge atalmyş basqarma jer telımderın ūsynuy qajet-tı. Alaida, Elbasynyŋ tapsyrmasymen mäslihat qoldaǧan sauda pavilondaryn aşu – tūraqty türde jürgızılıp kele jatqan şaruanyŋ bırı. Osy künge deiın osyndai sauda oryndaryn aşuǧa qūlyqty, bıraq qol jetkıze almai kele jatqan käsıpkerdıŋ mūŋ-zaryna qūlaq asqan deputattar osy mäselenıŋ tez arada şeşıluın talap ettı. «Astanagorarhitektura» JŞS-nıŋ qyzmetkerı Zäureş Baiazitovanyŋ baiandamasynan tüsıngenımız, qazırgı taŋda 45 käsıpker atalmyş mekemenıŋ ūsynǧan jer aumaǧyna öz pavilonyn aşuǧa beiıldı bolmaǧan. Bıraq raiynan qaitqan osy tızımdegı käsıpkerler endıgı jerde kez kelgen aumaqqa hoş dei otyryp, öz ısın aşpaqşy. Tek rūqsat kerek-tı. «Bız būl şaruany Jer qatynastary basqarmasymen bırlese otyryp, juyrda şeşemız. Tızımdegı adamdardyŋ sūranysyn oryndaimyz» dep naqty uäde berdı basqarma bastyǧynyŋ orynbasary Qairat Qojamjarov.
Būǧan barlyq qalaulylar toqailasyp, būl mäselenıŋ endıgı uaqytta kün tärtıbıne qaita oralmauyn qadaǧalaudy tapsyrdy.
Şynar ÄBILDA
