Astana qalasy mäslihatynyŋ deputaty, mäslihattyŋ biudjet, ekonomika, önerkäsıp jäne käsıpkerlık mäselelerı jönındegı tūraqty komissiianyŋ töraǧasy Kendebai Adambek deputattyq mandatqa ie bolǧan uaqyttan bastap 30 tūrǧynǧa qabyldau ötkızıp, ötınışterınıŋ basym bölıgın oryndady.
Elordanyŋ köpten berı ortalyq jyluǧa mūqtaj bolǧan «Lazurnyi bereg» tūrǧyn üi keşenın ortalyqtandyrylǧan jyluǧa qosyluyna atsalysty. Ūlttyq biotehnologiia ortalyǧy tarapynan tüsken ötınışke jūmys tobyn qūryp, ortaq kelısımge keluge kömektestı. Qalamyzdaǧy ötınış kelıp tüsken özge de mäselelerdı şeşıp berdı. Sonyŋ ışınde aulalardy abattandyruǧa, köşelerdı jaryqtandyruǧa, jol qauıpsızdıgıne arnalǧan qūrylǧylardy ornatuǧa jäne t. b. mäselelerdı şeşuge kömektestı. Elordanyŋ tūrǧyn alaptaryn kögaldandyruǧa, jaryqtandyruǧa, jol jäne kärız jüielerın jürgızuge septıgın tigızdı. «Mektepke jol» baǧdarlamasy aiasynda 3 oquşyǧa mektepke arnalǧan barlyq qūral-jabdyǧy bar portfel syilady. «Ardagerlerdı ardaqtaiyq» jobasy şeŋberınde tyl ardagerlerıne tūraqty kömek körsetıp kele jatyr.
Kendebai Sarybaiūly Astana qalasynyŋ kommunaldyq menşıktı tiımdı basqaru komissiiasyna, tariftık saiasat jönındegı öŋırlık keŋestıŋ jūmystaryna belsendı jäne nätijelı üles qosty. Astana qalasy boiynşa tekseru komissiiasynyŋ jūmystaryna jüielı türde qatysty. Memlekettık-jekemenşık-ärıptestık jobasy şeŋberınde qyzmettık kölık salasy boiynşa jäne beinebaqylau kameralary boiynşa jobalardyŋ jüzege asuyna öz septıgın tigızdı.
Deputat biudjet qarajatyn tiımdı paidalanu, Astana qalasynyŋ 2021-2025 jyldarǧa arnalǧan damu josparyn ıske asyru mäselelerın erekşe baqylauda ūstauda. Jergılıktı atqaruşy organǧa №1 industrialdy parktıŋ infraqūrylymyn aiaqtau jäne №2 industrialdy parktıŋ jobasyn bastau, «Astana käsıpkerlıgı» baǧdarlamasyn ıske asyru jönındegı mındetterdı ıske asyruǧa järdemdesude. Biudjettık şyǧystardy oŋtailandyrudyŋ, qalanyŋ jüielı jobalaryna qarajatty tiımdı paidalanudyŋ tūraqty bastamaşysy boluda.
Kendebai Adambek elordalyq mäslihattyŋ biudjet, ekonomika, önerkäsıp jäne käsıpkerlık mäselelerı jönındegı tūraqty komissiiasyn basqarady. Ötken jyldyŋ säuır aiynan bastap tūraqty komissiia 20-dan astam josparly otyrys, sonyŋ ışınde jariia tyŋdaular, köşpelı otyrystar ötkızdı. Tūraqty komissiianyŋ qūramyna 8 deputat kıredı. Onyŋ barlyq müşelerı komissiia qyzmetıne jäne mäslihattyŋ basqa organdaryna belsendı qatysady. Olar bekıtılgen öz okrugterınıŋ tūrǧyndarymen tūraqty bailanysta, sailauşylardyŋ olarǧa kelıp tüsken ötınışterı baqylauda, azamattardy tūraqty türde jeke qabyldau jürgızedı. Tūraqty komissiia qyzmetındegı basym baǧyttardyŋ bırı retınde aldaǧy jyldarǧa arnalǧan qala biudjetın daiyndauǧa jäne bekıtuge basty nazar audarady. Jalpy mäslihattyŋ biudjet, ekonomika, önerkäsıp jäne käsıpkerlık mäselelerı jönındegı tūraqty komissiiasynyŋ qyzmetı qoldanystaǧy zaŋnamaǧa, mäslihattyŋ 2023 jylǧa arnalǧan reglamentı men jūmys josparyna säikes jüzege asady.
Kendebai Sarybaiūly – Amanat partiiasynyŋ müşesı. Partiianyŋ Astana qalalyq sailaualdy «Halyqpen bırge» baǧdarlamasy jol kartasynyŋ 10 tarmaǧyna jetekşılık etedı. Qūjatta halyqty jūmyspen qamtu, investisiialyq jobalardy tartu, öŋdeu önerkäsıbın arttyru, «Biudjetke qatysu» baǧdarlamasyn ūiymdastyru, taǧy sol sekıldı bırneşe tarmaqtyŋ jüzege asuyn baqylauda ūstaidy. Partiianyŋ Astana qalalyq sailaualdy baǧdarlamasynyŋ jol kartasy boiynşa 2023 jyly özıne tiesılı tarmaqtardy sättı oryndady.
Käsıpkerlık bastamalardy qoldau şeŋberınde ärbır on myŋ tūrǧynǧa kemınde 100 jaŋa jūmys ornyn qūru josparyn partiiamen bırge 51806 jaŋa jūmys ornyn qūruǧa kömektestı. Käsıpkerlıktı damytu aiasynda 17 nysandy qoldanysqa beruge atsalysty. Mūqtaj azamattardy jalǧa jäne nesiege berıletın 1416 pätermen qamtamasyz etıp, sonyŋ ışınde 500 päterdıŋ jastar üşın satyp alynuyna kömektestı. Sonymen qatar 26 köpqabatty tūrǧyn üige jäne 30 jedelsatyǧa jöndeu jūmystaryn jürgızuge yqpal ettı. Äleumettık osal toptary sanatyna jatatyn 170 myŋ adamnyŋ qoǧamdyq kölıkte tegın jüruınıŋ saqtaluyna öz kömegın körsettı. 400 jaŋa qoǧamdyq kölık satyp aluǧa, 13 şaqyrym jaŋa köşe saluǧa järdem berdı. Mäslihattaǧy Amanat partiiasy fraksiiasynyŋ baqylauymen 3-JEO bırınşı kezegınıŋ qūrylysy aiaqtaluyna, 96 şaqyrym gaz jelılerın jürgızuge öz septıgın tigızdı.
Astana qalasy mäslihatynyŋ biudjet, ekonomika, önerkäsıp jäne käsıpkerlık mäselelerı jönındegı tūraqty komissiia biyl toqsandyqtarǧa bölıngen jospar jasady. Sonyŋ ışınde memlekettık-jekemenşık ärıptestık jobalaryn ıske asyru jönındegı esebın tyŋdau, №1, 2 industrialdy parkterınıŋ injenerlık infraqūrylymyn jürgızuge baǧyttalǧan qarajattyŋ jūmsaluynyŋ tiımdılıgı turaly bırqatar maŋyzdy otyrysty aituǧa bolady. Astana qalasynyŋ 2025-2027 jyldarǧa arnalǧan biudjetınıŋ jobasy turaly maŋyzdy qūjat qabyldanuy qajet.
