Juyrda Ūlttyq muzeide «Qazaqstan Respublikasynyŋ Ūlttyq muzeiı jäne BAQ: özara yqpaldastyq joldary» taqyrybynda döŋgelek üstel öttı. Jiynǧa mekeme basşylary men qyzmetkerlerı, aqparat qūraldary jetekşılerı men tılşılerı qatysyp, özara pıkır almasty.
Aldymen muzei qyzmetkerlerı qonaqtarǧa muzei zaldary men ondaǧy mūraǧattarmen tanysuǧa mümkındık tuǧyzǧan. Köpşılık qazırgı zamanǧy aituly müsınşılerdıŋ bırı – Sadok Ben-Davidtıŋ «Tün ortasynyŋ arǧy betı» atty körmesın tamaşalady. Odan soŋ qytai farforynyŋ körmesı körsetıldı.
Mekeme basşysy Darhan Myŋbai elımızdıŋ tarihi-mädeni mūralaryn nasihattap, ūlttyq qūndylyqtarymyzdyŋ, halyqtyŋ salt-sana men dünietanymynyŋ, tarihy men örkenietınıŋ ainasyna ainalyp otyrǧan muzeidıŋ qazırgı jai-küiımen tanystyryp, aldaǧy maqsat-mındetterıne toqtaldy. Sonymen qatar, osyndai ülken jauapkerşılık arqalaǧan mekemenıŋ qyzmetın nasihattap, jalpaq jūrtqa jariialap otyru üşın aqparat qūraldarymen bailanystyŋ qanşalyq maŋyzdy ekenın baiandady.
Jiyn barysynda Qazaqstan Jurnalister odaǧy basqarmasynyŋ töraǧasy S.Mataev QR Ūlttyq muzeiınıŋ halyqaralyq deŋgeide ırı mädeni ortalyqqa ainalyp otyrǧanyn tılge tiek ettı. Zamanaui tehnika men tehnologiiany tiımdı paidalanyp, özındık erekşelıkterımen taŋ qaldyratyn muzeidıŋ ūlttyq qūndylyqtar ūiasyna ainaluyna özge BAQ basşylary da müddelestık tanytty.
Mekeme basşysy D.Myŋbai men Bas redaktorlar klubynyŋ prezidentı B.Jeksenbai ekı jaqty yntymaqtastyq turaly memorandumǧa qol qoidy.
Osy jiyn aiasynda «Mädeni mūra» jurnalynyŋ jaŋa formaty tanystyrylyp, 3-D turynyŋ tūsauy kesıldı.
N.SAILAUQYZY
