Elordada qūlaǧy estımeitın, mügedek jandardyŋ jaǧdailaryn eskere otyryp, Astana qalasynyŋ Jūmyspen qamtu ortalyǧy olarǧa halyqqa qyzmet körsetu ortalyqtarynda sapaly qyzmet körsetu, sondai-aq, mūrajailarmen, basqa da mädeni oryndarǧa erkın baryp, demalularyna mümkındıkter tuǧyzu maqsatynda «Jūmyspen qamtu – 2020 jol kartasy» baǧdarlamasy aiasynda surdoaudarmaşylar daiarlau kurstaryn ūiymdastyrdy.
Aǧymdaǧy jyldyŋ qyrküiek aiynda «Maman» öndırıstık-oqu ortalyǧy bazasynda halyqqa qyzmet körsetu ortalyqtarynyŋ on alty jartylai jūmyspen qamtylǧan qyzmetkerı «surdoaudarmaşy» mamandyǧyna oqytylyp, olarǧa ekı ailyq kursta saŋyraularmen söilesu, aralasu üşın arnaiy ıs-qimyldar men älıppe üiretıldı.
Mūnda bolaşaq audarmaşylarǧa köp jylǧy täjıribesı bar «defektolog-surdopedagog» mamandar sabaq jürgızdı. Alǧaşqy toptyŋ sabaǧy 20 qazanda aiaqtalady. Odan keiın kursty tämamdaǧan on alty qyzmetker memlekettık ülgıdegı kuälık alyp, özderınıŋ būrynǧy jūmys oryndaryna qaityp oralady.
Qalada mūndai ym-işaramen «söilesetın» audarmaşylardy oqytatyn kurs būryn-soŋdy bolǧan joq. Būl Elbasynyŋ tapsyrmasyna orai mümkındıgı şekteulı azamattardyŋ özderın qoǧamnyŋ teŋ müşesı retınde sezınuı üşın ükımettıŋ jaǧdai jasau qamqorlyǧynan tuyp otyr.
Kelesı topta 11 qaraşada mädeniet salasyndaǧy on ekı qyzmetker surdoaudarmaşy mamandyǧyn alady. Olar da qalanyŋ teatrlarynda, mūrajailarynda, körmelerınde atalǧan sanattaǧy azamattarǧa qyzmet etıp, käsıbi mälımetter beredı.
Saǧi ORAL
