Elordanyŋ kommunikasiialar qyzmetı alaŋynda zeinetkerlerge servistık qyzmet sapasy turaly Jūmyspen qamtu jäne äleumettık qorǧau basqarma basşysynyŋ orynbasary Aigül Talasova söz ettı.
Brifingte belgılı bolǧandai, zeinet jasyndaǧy adamdar şipajailyq-kurorttyq emdeluge jäne stomatologiialyq protezdeu qyzmetıne jeŋıldık qarastyrylǧanyn bıldık.
– Zeinetkerler Şuchinsk-Burabai kurorttyq aumaǧynda jäne qarttar men mügedekterge jäne mügedek balalarǧa arnalǧan oŋaltu ortalyǧynda em aluyna 18 jäne 25 paiyzǧa deiın jeŋıldık qarastyryldy. Al Ūly Otan soǧysynyŋ ardagerlerı jäne teŋestırılgenderge tegın qyzmet körsetıledı.
Stomatologiialyq protezdeu qyzmetı ekı jylda bır ret alady. Biyl Astana qalasynda tıs protezdeu jäne auyz quysyn protezge deiıngı sanitarlyq tazalauǧa 3 myŋ oryn bölındı, – dedı Aigül Talasova.
Qarttar künı zeinetkerlerge bır rettık 2,5 AEK kölemınde aqşalai tölem berıledı. Otbasyndaǧy adam sanyna jäne äleumettık jaǧdaiyna bailanysty zeinetkerler qatty otyn satyp aluǧa 16 AEK mölşerınde jylu merzımıne tölenedı. Gaz qazandyǧyn salu jäne montajdau boiynşa şyǧyndardy öteuge 130 AEK aspaityn qarjy qaralady.
Ömırlık qiyn jaǧdaiǧa tap bolǧan adamdarǧa bır rettık äleumettık kömek retınde därı-därmek satyp alu jäne medisinalyq qyzmet şyǧynyna 13 AEK kölemınde tölem berıledı.
Tabiǧi zılzala oryn alǧan jaǧdaida da kömek körsetu qarastyrylǧan eken. Mäselen, tūrǧyn üige eleulı ziian kelıp, joiylǧan jaǧdaida otbasyna – 400 AEK, otbasy müşelerı qaitys bolǧanda 150 AEK qarjy tölenedı.
Elordada tūraqty tūratyn jäne tūrǧyn üidıŋ menşık iesı bolatyn az qamtylǧan otbasy müşelerıne jeŋıldık qarastyrylǧan.
Atauly äleumettık kömek (AÄK) jan basyna şaqqandaǧy ortaşa tabysy kedeilık şegınen aspaityn adamǧa nemese otbasyna otbasynyŋ jan basyna şaqqandaǧy ortaşa tabysy men kedeilık şegı arasyndaǧy aiyrma retınde şartsyz nemese şartty aqşalai kömek türınde berıledı.
Astana qalasynda 2023 jyldyŋ 1-toqsanynda kedeişılık şegı 35265 teŋgenı qūraidy. Ondai otbasy müşelerı qalada qatynaityn qoǧamdyq kölıkterde tegın jüre alady.
Brifing soŋynda basqarma basşysynyŋ orynbasary Aigül Talasova ardagerlerımızge qandai qūrmet pen qamqorlyq jasalyp jatqandyǧyn aitty.
