Elordada «Taza Qazaqstan: Astana – tazalyq pen tärtıptıŋ ülgısı» atty auqymdy ekologiialyq aksiiasy ötıp jatyr, dep habarlaidy astana-akshamy.kz
Būl apta «Kielı meken» ūranymen ötıp, tarih jäne mädeniet eskertkışterınıŋ aumaǧyn abattandyruǧa arnalǧan.
Mädeniet ūiymdary qyzmetkerlerınıŋ, mäslihat deputattarynyŋ, oquşylar men studentterdıŋ, sportşylardyŋ, «Jas sarbaz» qozǧalysynyŋ studentterınıŋ, Auǧan soǧysy ardagerlerınıŋ, memlekettık mekeme qyzmetkerlerınıŋ jäne t.b. bırlesken küş-jıgerımen ötıp jatyr.
Ekologiialyq aksiia aiasynda mädeni mūra nysandarynyŋ qasbetterın, eskertkışter men ırgeles aumaqtardy retke keltıru boiynşa tazalyq jūmystary jürgızılude.
Säuırdıŋ 19-y taŋǧy uaqyttan bastap mädeniet ūiymdarynyŋ qyzmetkerlerı men «Jas sarbaz» patriottyq qozǧalysynyŋ studentterı Saryarqa daŋǧylynda ornalasqan Keŋes Odaǧynyŋ batyry, aty aŋyzǧa ainalǧan ūşqyş Talǧat Begeldinovtıŋ eskertkışıne jäne ainalasyna tazalyq jūmystaryn jürgızdı.
«Jas sarbaz» balalar men jasöspırımder äskeri-patriottyq qozǧalysynyŋ Astana qalasy boiynşa filialynyŋ töraǧasy Ashat Nalşybektıŋ aituynşa, ekoaksiia öskeleŋ ūrpaqtyŋ boiyna jaqyndaryna degen qamqorlyq, qūrmet sezımın qalyptastyrudyŋ ülgısı bolyp sanalady. Barlyǧy 50-den astam jas sarbaz jauyngerı qatysuda.
«Bız būl aksiiany qalamyzdyŋ barşa tūrǧyndaryna ündeu retınde ötkızıp jatyrmyz. Bız jastardy, erıktılerdı jäne barlyq müddelı adamdardy Astanamyzdyŋ aulalary men köşelerın qoqystan tazartuǧa jäne ekologiialyq jaǧdaiyn jaqsartuǧa şaqyramyz. Jūmys erteŋ de jalǧasady, är apta belgılı bır taqyrypqa arnalady», – dedı Ashat Nalşybek.
«Kielı meken» aptalyǧy bastalǧaly 40-tan astam eskertkış tazartyldy. Elordada barlyǧy 117 eskertkış bolsa, onyŋ 46-sy – memleket qorǧauynda.
Aita ketu kerek, Astanada auqymdy ekologiialyq nauqan jalǧasuda. Ol bes aptaǧa sozylady, olardyŋ ärqaisysy belgılı bır taqyrypqa arnalǧan. Būl apta «Kielı meken» dep atalady.
«Jasyl aimaq» dep atalatyn üşınşı apta aǧaş otyrǧyzu men köşetterdı äkteuge arnalady.
4 mamyrǧa deiıngı uaqyt – «Önegelı ūrpaq» dep atalady. Būl aptalyq ardagerler tūratyn aulalar men qarttar üiınıŋ aumaǧyn tazalauǧa jäne abattandyruǧa arnalǧan.
«Möldır būlaq» dep atalatyn soŋǧy besınşı aptada özen-kölderdıŋ maŋaiy qoqystan tazartylady.
