Jasotandyqtar belsendılıgı joǧary
Jastar – jasampaz küş. Olar jalyndy, jıgerlı bolsa, alynbaityn asu joq. Bügıngı ūrpaq – aldyŋǧy aǧalarǧa senımdı qolqanat, erteŋge qūlşynysy myqty, jalyndap tūrǧan tolqyn. «Nūr Otan» HDP Astana qalalyq filialy «Jas Otan» jastar qanatynyŋ kezektı H konferensiiasy öttı. Oǧan Astana qalasy äkımınıŋ orynbasary Aida Balaeva, «Nūr Otan» HDP Astana qalalyq filialy Töraǧasynyŋ bırınşı orynbasary Qairat Jaŋabergenov, Qazaqstan Respublikasy Parlamentınıŋ deputattary, «Jas Otan» jastar qanaty Astana qalalyq filialynyŋ belsendı müşelerı qatysty. Basqosu barysynda Astana qalalyq filialynyŋ atqaruşy hatşysy, «Jas Otan» jastar qanatynyŋ II sezıne baratyn delegattar sailandy. Sondai-aq, «Jastar – Otanǧa» atty 2020 jylǧa deiıngı strategiialyq joba talqylandy. Atalmyş joba jastardyŋ jaǧdaiy men tūrmysyn barynşa jaqsartuǧa mümkındık beredı.
Alqaly jiynda söz alǧan Astana qalasy äkımınıŋ orynbasary Aida Balaeva: «Bügınde elımızde 1043 jastar ūiymy bolsa, onyŋ ışındegı eŋ auqymdysy ärı belsendısı «Jas Otan» jastar qanaty bolyp tabylady. «Jas Otan» jastar qanaty – «Nūr Otan» Halyqtyq demokratiialyq partiiasynyŋ berık tūǧyry ǧana emes, memlekettık jastar saiasatyn qalyptastyru men damytudyŋ ülken ortalyǧy» dei kele, partiianyŋ Astana qalalyq filialynyŋ töraǧasy İmanǧali Tasmaǧambetovtyŋ sälemın jetkızdı. El damuy üşın jastardyŋ jaŋa ideialary kerektıgın atap ötken ol, zaldan qoiylǧan sūraqtarǧa da tūşymdy jauap qaitardy. Sondai-aq, bolaşaqtyŋ ırgetasy myqty bolyp qalanuy üşın, jastardyŋ mäselesın şeşıp, olardyŋ mädenietı men tärbiesıne jıtı köŋıl bölu kerektıgın aitty.
Bügınde jasotandyqtardyŋ qoǧamdyq belsendılıgı joǧary. Olardyŋ bastamasymen «Auyldyŋ güldenuı – Qazaqstannyŋ güldenuı» baǧdarlamasy aiasynda eldı mekenderdı körkeituge üles qosuşylar qatary artty. «Diplommen – auylǧa» baǧdarlamasy boiynşa köptegen jas maman jūmysqa ornalasty. Sondai-aq, «Qazaqşa söileseiık», «Erkın pıkır» syndy jobalardy jüzege asyryp keledı. Jasotandyqtar el jastarynyŋ bazalyq äleumettık problemalaryn josparly türde şeşuge köŋıl qoidy. Olar jas ta bolsa bas bolyp, öz zamandastarynyŋ qazırgı qordalanǧan mäselelerın talqyǧa salyp, şeşu joldaryn qarastyruda.
Şara soŋynda «Jas Otan» jastar qanatyna şoǧyrlanǧan belsendı örender bılım men eŋbektı ūştastyryp, el igılıgıne qyzmet etuge äzır ekenderın bıldırdı. Konferensiia jasotandyqtardyŋ belsendı müşelerın marapattaumen aiaqtaldy.
Erkejan SÄTIMBEK