Keibır ǧalymdar jurnalist eŋbegınıŋ auyrlyǧyn jetı qabat jer astynda kömır qazumen teŋestıredı. Olardyŋ mūnysyn qisynsyz teŋeu deuge kelmeidı. Küiıp tūrǧan oqiǧanyŋ basy-qasynda jürıp, qainaǧan tırşılıktıŋ qaq ortasynan «ken qazu» – şynymen de jurnalistıŋ basty qyzmetı.
Mamandyqtyŋ qoiar talaby sol bolǧandyqtan, olardyŋ eŋbegı segız saǧattyq jūmys künımen şektelmeitını anyq. Ädette basqa adamdar bar jūmysyn keşkı altydan soŋ keŋsede qaldyryp ketse, jurnalisterde ondai jeŋıldık joq. Onyŋ moinyndaǧy jük özınen bır elı qalmai, üiıne erıp keledı. Tamaǧyn ışse de, toiǧa barsa da, ūiyqtasa da – qysqasy, jeke basyna böletın uaqytynyŋ köbın älgı jügıne taǧy arnaidy. Iаǧni erteŋgı maqalasynyŋ, telebaǧdarlamasynyŋ ne radiohabarynyŋ baǧdaryn bajailap, josparyn qorytyp jüredı.
Olardyŋ osyndai eren eŋbekterı eskerılıp jatsa, qandai ǧanibet?! Juyrda bızdıŋ «Astan aqşamy» gazetınıŋ qos tılşısı respublikalyq baiqaudyŋ jüldegerlerı atanǧanda, köl-kösır quanyşqa kenelgenımız de sondyqtan. Atap aitsaq, täjıribelı ärıptesımız Aigül Uaisova densaulyq saqtau salasy jaily jazǧan üzdık maqalalary üşın «Altyn şipager» syilyǧyn qanjyǧasyna bailap, 1 million teŋgelık marapatqa ie boldy. Odan bölek, şoluşymyz Azamat Esenjol qazaq tılıne qatysty özektı mäselelerdı köterıp, olardy elge tanytuda eŋbek sıŋırgenı üşın «Memlekettık tıl jäne BAQ» respublikalyq baiqauynda III oryndy oljalady. Sondai-aq bızdı ünemı Parlamenttegı oqiǧalardan habardar qylyp otyratyn gazetımızdıŋ şef-redaktory Tölen Tıleubai däl Jurnalister künınde QR Parlament Mäjılısınıŋ «Parlament sözı» syilyǧyn enşıledı.
Aqşamdyqtardy aituly jüldelerımen taǧy da qūttyqtai otyryp, jaqsy jaŋalyqtardyŋ jarşysy bola berulerın tıleimız.
