Qazaqstan Respublikasy Tabiǧi monopoliialardy retteu agenttıgınıŋ Astana qalasy boiynşa departamentı tariftı qalyptastyruda aşyqtyqty, tūtynuşylar men tabiǧi monopoliialar subektılerı müddelerınıŋ teŋdestırıluın qamtamasyz etu maqsatynda «Astana-Teplotranzit» aksionerlık qoǧamynyŋ 2012-2015 jyldarǧa jylu energiiasyn beru jäne bölu qyzmetıne tarif jäne tariftık smetanyŋ şektı deŋgeiın, sondai-aq, «Astana-Energiia» aksionerlık qoǧamynyŋ atalǧan jyldarda jylu energiiasyn öndıru qyzmetıne tarif jäne tariftık smetany jalpy tärtıppen bekıtu jobalaryn jariia talqylau jiynyn ötkızdı.
Jiynǧa memlekettik organ ökılderı, tūtynuşylar men olardyŋ qoǧamdyq birlestikteri jetekşılerı, täuelsiz sarapşylar qatysty. 2012-2015 jyldarǧa arnalǧan jylu energiiasyn beru jäne taratu aqysynyŋ şektı deŋgeiın bekıtu üşın ötınım jobasyn ūsynǧan «Astana-Teplotranzit» qyzmetınıŋ negızgı türı energiia öndıruşı ūiymdardan (1,2-JEO) Astana qalasynyŋ önerkäsıptık, qoǧamdyq-kommunaldyq käsıporyndaryna jäne tūrmystyq tūtynuşylaryna jylu energiiasyn beru jäne taratu bolyp tabylady.
Üstımızdegı jyldyŋ 1 qyrküiegınen bastap 2015 jyldarǧa deiın «Astana-Teplotranzit» AQ-nyŋ jalpy mölşerı 3 188 213 myŋ teŋgenı qūraityn investisiialyq baǧdarlamasy bekıtılgen. Onyŋ maqsaty – tūtynuşyǧa jylu energiiasyn berıp, taratudyŋ tiımdılıgımen sapasyn arttyru. Qalany jylumen tūraqty qamtamasyz etıp, arnauly toraptardy jetıldıruge, jylu toraptarynyŋ damuy, jylu energiiasyn beru jäne taratu kezınde ysyrapqa jol bermei, tasymaldau şyǧyndardy qysqartuǧa, negızgı qorlardy jaŋartuǧa basymdyq berılmek.
–Is-şaralardy engızu nätijesınde «Astana-Teplotranzit» AQ investisiialyq baǧdarlamany ıske asyrudyŋ barlyq kezeŋınde 16 270 myŋ teŋge jiyntyq ekonomikalyq nätije aludy josparlap otyr, normativtık-tehnikalyq şyǧyndar şamamen 16 109 Gkal-ǧa qysqarady. Bızdıŋ esepteuımızşe, 2012-2015 jyldarǧa barlyq şyǧyn 12 212 443 myŋ teŋgenı qūrap, al tabys 1 567 347 myŋ teŋgege jetıp, investisiialyq baǧdarlamany ıske asyruǧa baǧyttalady. Körsetetın qyzmet kölemı 12 445 868 myŋ teŋge qūraidy,- dedı mekeme basşysy Aitmūqan Jūmabaev,- Jylu energiiasyn berıp, taratudyŋ 2012-2015 jyldarǧa arnalǧan ortaşa kesımdı aqysy 1 Gkal üşın 1 107 teŋgenı qūraidy, qoldanystaǧy tarifpen salystyrǧanda 50,8 % ösedı, tūtynuşy üşın belgılenetın ortaşa tariftıŋ şamasy1 Gkal üşın 2 495 teŋge QQS-syz bolady. Qoldanystaǧy tarifpen salystyrǧanda ösım 40,3 % ösedı-deidı.
«Astana-Energiia» aksionerlık qoǧamynyŋ basqarma töraǧasy Leonid Larichev tarifterdı köteruge negız bolǧan bırneşe sebepterdı alǧa tartty. Atap aitqanda, strategiialyq tauarlardyŋ baǧasynyŋ ösuı, iaǧni, kömırdıŋ baǧasy temır joldyŋ tarifterımen qosa eseptegende -17,9%, mazut-20,7% ösken. Öndırıske paidalanylatyn kaustikalyq soda -38,0, tehnikalyq tūz -53,8%, trinatrii-fosfat-90,5%, kationit – 46,6%, qyşqyldar – 35,8% köterılgen. Suǧa da baǧanyŋ köterıluı basty faktorlardyŋ bırı. Negızgı qūral-jabdyqtardy jöndeudıŋ de, özge qyzmetterdı paidalanudyŋ da tarifter deŋgeiıne äserı baryn aitty.
Ärine, atalmyş käsıporyndar öz däiegın alǧa tartyp, dälelın nyqtap baqsa da, Qazaqstan Respublikasy Tabiǧi monopoliialardy retteu agenttıgınıŋ Astana qalasy boiynşa departamentınıŋ töl mındetı bar. Ol, eŋ aldymen, tūtynuşylardyŋ müddesı. Sol sebeptı de osy departament direktory Baqtiiar Atalyqov: – Astana qalasynyŋ negızgı tabiǧi monopoliia subektılerınıŋ üş jyldyq merzımge arnalǧan tarifterıne şektı belgısın bekıtuge ötınımın berdı. Müddelı tūlǧalar öz pıkırlerın, ūsynystaryn aitty. Qoldanystaǧy zaŋdarda belgılengen uaqytta tiıstı saraptaudan ötıp, eseptelıp, bekıtıledı. Aǧymdaǧy jyldyŋ tamyz aiynyŋ soŋyna deiın departament mamandary jan-jaqty taldanyp, ekonomikalyq tūrǧyda negızdelgen tarifterdı bekıtemız. Olardy jyldyŋ qazan aiynan bastap qoldanu josparlanǧan.
Būl rette tūtynuşylarǧa qolaily boluyn qarastyryp, üş jylǧa bekıtılgen ortaşa kesımdı aqylar satylanyp, kezeŋ-kezeŋımen köteru közdelgen. Jylu energiiasynyŋ tarifı köpten berı qaralǧan joq. Odan basqa şikızattar men tasymaldau qyzmetınıŋ, su, elektr energiiasynyŋ baǧasynyŋ köterıluıne bailanysty, atalǧan mekemelerdıŋ ötınımı talqylanyp otyr.
Būl käsıporyndardyŋ körsetın qyzmetınıŋ sapasy onyŋ materialdyq bazasyna da bailanysty bolsa kerek. Olardyŋ tozuy, der kezınde jaŋartylmauy tūtynuşylardyŋ tūrmysynda körınıs tabady. Tek qana tūtynuşylardyŋ tölemderınen paida tauyp, tabys köretın mekemeler üşın jaŋa baǧa ülken şaruaşylyqtyŋ kürmeuı köp mäselelerınıŋ bırın bolmasa bırın şeşedı. Sondyqtan da, tūtynuşylar būl özgerıster turaly naqty aqparat alyp, qajettı şara ekenın tüsınudıŋ de maŋyzy bar.
