استانا قالاسىنىڭ اكىمى التاي كولگىنوۆ موڭعوليانىڭ ۆيتسە-پرەمەر-مينيسترىمەن كەزدەستى. تاراپتار بىرقاتار وبلىستاعى ىنتىماقتاستىق ماسەلەلەرىن تالقىلادى.
«موڭعوليانىڭ ۆيتسە-پرەمەر-ءمينيسترى ساينبۋيانگين امارسايحان, ەلىمىزدەگى موڭعوليانىڭ توتەنشە جانە وكىلەتتى ەلشىسى دورجين بايارحۋ جانە ت. ب. وكىلدەرمەن كەزدەسۋ وتكىزدىك. ءبىلىم, مادەنيەت, ساۋدا, ەكونوميكا, تۋريزم سالالارىنداعى ىنتىماقتاستىق ماسەلەلەرىن, سونداي-اق ينۆەستيتسيالىق كليماتتى جاقسارتۋ شارالارىن جانە تاعى باسقا دا ماسەلەلەردى تالقىلادىق.
مەملەكەت باسشىسىنىڭ تاپسىرماسىنا سايكەس, قالا مەن ەلىمىزدىڭ ەكونوميكاسىنا شەتەلدىك ينۆەستيتسيالاردى تارتۋعا جاعداي جاساپ, ينۆەستورلارعا جان-جاقتى سەرۆيستىك قولداۋ كورسەتۋدەمىز.
ماسەلەن, 2020 جىلى ەلوردا ەكونوميكاسىنا 1,1 تريلليون تەڭگەدەن استام جەكە ينۆەستيتسيا تارتىلسا, 2021 جىلى 1,2 تريلليون تەڭگەدەن استام قارجى تارتىلدى. اعىمداعى جىلدىڭ 9 ايىندا شامامەن 900 ملرد تەڭگە. ءبىرىنشى كەزەكتە تۇرعىندار مەن قالاعا قاجەتتى جوبالاردى قولداۋدامىز» دەدى ەلوردا اكىمى.
