كەشە استانا قالاسىنىڭ مەملەكەتتىك ءارحيۆىنىڭ ۇيىمداستىرۋىمەن ۇلى وتان سوعىسىنىڭ قاتىسۋشىسى, داڭق وردەنىنىڭ تولىق يەگەرى المۇقان سەمبينوۆتىڭ 100 جىلدىعىنا ارنالعان «ەرلىگى – ۇرپاققا ۇران» اتتى دوڭگەلەك ۇستەل ءوتتى, دەپ حابارلايدى astana-akshamy.kz
ءىس شاراعا المۇقان سەمبينوۆتىڭ جيەنى (تۋعان قارىنداسى ماريا سەمبينوۆانىڭ قىزى) التاەۆا باقىت باتتالقىزى, المۇقان سەمبينوۆتىڭ نەمەرەسى (ۇلكەن قىزى ريمما سەمبينوۆانىڭ قىزى) كليمەنكو رۋسلانا رۋسلانوۆنا, استانا قالاسىنىڭ تىلدەردى دامىتۋ جانە ارحيۆ ءىسى باسقارماسىنىڭ ارحيۆ ءىسىن ۇيىمداستىرۋ ءبولىمىنىڭ باسشىسى جانگۇل قۇدابايقىزى, ۇلتتىق قورعانىس ۋنيۆەرسيتەتىنىڭ اعا وقىتۋشىسى, ت.ع.ك. اسقار سوۆەتحانۇلى, استانا قالاسى ارداگەرلەر كەڭەسى توراعاسىنىڭ ورىنباسارى مۇرات ىسپانقۇلۇلى, «بەلسەندى ۇزاق ءومىر ءسۇرۋ ورتالىعى» كمم ديرەكتورى مۇحتار ەركەتاەۆ, استانا قالاسى قورعانىس ىستەرى دەپارتامەنتىنىڭ وكىلى, زاپاستاعى پولكوۆنيك عاني اسىلبەكۇلى استانا قالاسى ارداگەرلەر كەڭەسىنىڭ مۇشەلەرى, «جاس سارباز» سىنىبىنىڭ وقۋشىلارى قاتىسىپ, تاريحقا شولۋ جاساپ, وي تولعاندىرار ەستەلىكتەرىمەن ءبولىستى.
دوڭگەلەك ۇستەلدىڭ ماقساتى وسكەلەڭ ۇرپاقتىڭ بويىنا پاتريوتتىق سەزىمىن قالىپتاستىرۋ, ەرلىككە, وتانشىلدىققا, ەلجاندىلىققا, اتالار ەرلىگىن ماقتان تۇتا جالعاستىرۋعا, رۋحاني-ادامگەرشىلىك قاسيەتتەرى دامىعان تۇلعانى قالىپتاستىرۋ, ءوزىنىڭ تاريحىن, ەلىن, جەرىن, وسيەتىن قۇرمەتتەۋگە باۋلۋ.
ءىس شارا ناتيجەسىندە المۇقان سەمبينوۆتىڭ وتباسىلىق ءارحيۆى قۇجاتتارى نەگىزىندە ۇرپاعىمەن بىرلەسە وتىرىپ جەكە قورىن اشۋ تۋرالى شەشىم قابىلداندى.
