ەلورداداعى ۇلتتىق اكادەميالىق كىتاپحانادا كەرەي مەن جانىبەك حاندار تۋرالى كوميكستىڭ تۇساۋكەسەر ءراسىمى ءوتتى, دەپ حابارلايدى astana-akshamy.kz
كوميكس اۆتورى 21 جاستاعى ءىلياس يۋسۋپجانوۆتىڭ ايتۋىنشا, وتانداستارىمىزدىڭ كوپشىلىگى مەكتەپ قابىرعاسىندا وقىعان قازاق تاريحىنا قاتىستى دەرەكتەردى بۇگىندە ۇمىتىپ قالعان. سوندىقتان دا ولاردىڭ جادىندا تاريحي دەرەكتەردى جاڭعىرتۋ ءۇشىن «وتاندىق 100 كوميكس» جوباسى قولعا الىنىپ وتىر.
«الماتىدا كوميكسىمدى وقىپ ۇلگەرگەن مەكتەپتەر بار. العاشقى تۇساۋكەسەرى دە سول جاقتا ءوتتى. وقۋشىلارعا قازاق حاندىعىنىڭ تاريحىنا قاتىستى ساۋال قويعانىمدا كوپشىلىگى جاۋاپ بەرۋگە دايىن بولدى. مەنىڭشە, بۇل «كەرەي مەن جانىبەك» كوميكسىنىڭ ناتيجەسى», – دەدى جاس قالامگەر.
ۇلتتىق اكادەميالىق كىتاپحانا باسشىسى عازيزا نۇرعاليەۆا مۇنداي كوميكستەر بالالاردى كۇردەلى ادەبي شىعارمالاردى وقۋعا دايىنداۋعا تاماشا مۇمكىندىك ەكەندىگىن ايتادى. ونىڭ پايىمىنشا, كوميكس وقيعانى سۋرەتتەرمەن سيپاتتاۋ ارقىلى-اق جاستاردىڭ اراسىندا وتە تانىمال بولىپ تۇر.
«الماتىدا كوميكستەر بۇرىشىن اشقان ەدىك. دۇكەندەر ءارتۇرلى جانرداعى 500 كوميكس بەردى. ءدال وسى بۇرىش جاسوسپىرىمدەر مەن بالالار اراسىندا بارلىق ۋاقىتتا دا وتە تانىمال. ەندى وسى جەردە دە سونداي بۇرىش اشىپ, جاستارىمىزعا قازاقتىڭ ۇلتتىق باتىرلارىن تانىتقىمىز كەلەدى», – دەدى عازيزا نۇرعاليەۆا.
