اۋەجايدا 400 ملن. تەڭگە مەن التىن قۇيمالاردى زاڭسىز الىپ وتپەك بولعاندار ۇستالدى
ەلوردا اۋەجايىندا 400 ملن. تەڭگە مەن التىن قۇيمالاردى زاڭسىز سىرتقا شىعارۋ ارەكەتىنىڭ جولى كەسىلدى, دەپ حابارلايدى astana-akshamy.kz
2024 جىلدىڭ باسىنان بەرى استانا قالاسى بويىنشا مكد «اۋەجاي-استانا» كەدەن بەكەتىنىڭ قىزمەتكەرلەرى كەدەندىك باقىلاۋ كەزىندە جالپى قۇنى 400 ميلليون تەڭگەدەن استام ۆاليۋتانى زاڭسىز اكەتۋدىڭ 22 فاكتىسىن قۇرىقتادى.
ماسەلەن, جىل باسىندا «نۇرسۇلتان نازارباەۆ» حالىقارالىق اۋەجايىندا «استانا – ىستامبۇل» حالىقارالىق رەيسىن كەدەندىك باقىلاۋ كەزىندە قازاقستان رەسپۋبليكاسىنىڭ ازاماتى 74 ميلليون تەڭگەدەن استام سوماعا شەتەلدىك ۆاليۋتانى زاڭسىز اكەتپەك بولعان.
بۇل رەتتە استانا قالاسى بويىنشا ەكونوميكالىق تەرگەۋ دەپارتامەنتىنە قىلمىستىق قۇقىق بۇزۋشىلىق بەلگىلەرىمەن 172 ملن تەڭگەدەن استام سوماعا 3 ماتەريال, اكىمشىلىك قۇقىق بۇزۋشىلىق بەلگىلەرىمەن 281 ملن تەڭگەگە 19 فاكتى, وندا ايىپپۇل سوماسى 664 560 تەڭگەنى قۇرادى
سونىمەن قاتار, ازاماتتار جالپى سالماعى 433 گرامم التىن قۇيمالارىن جانە جالپى سالماعى 3000 گرامم كوللەكتسيالىق مونەتالاردى (قۇنى 70 ميلليون تەڭگەدەن استام) زاڭسىز اكەتۋ بويىنشا زاڭ بۇزۋشىلىققا جول بەرگەن.
قازاقستان رەسپۋبليكاسى پرەزيدەنتىنىڭ جارلىعىنا سايكەس ەلىمىزدىڭ ۇلتتىق بانكى شىعارعان, قازاقستاننان 10 000 اقش دوللارى بالاماسىنان اساتىن سوماعا قولما-قول شەتەل ۆاليۋتاسىن جانە (نەمەسە) شەتەل ۆاليۋتاسىنداعى اقشا قۇرالدارىن جانە التىن قۇيمالارىن, ينۆەستيتسيالىق مونەتالاردى جانە ت.ب. اكەتۋگە تىيىم سالىنعانىن ەسكە سالادى, جوعارىدا اتالعان نورمالاردى بۇزعانى ءۇشىن بۇزۋشىلىققا قاراي اكىمشىلىك نەمەسە قىلمىستىق جاۋاپكەرشىلىك قاراستىرىلعانىن ەسكە سالامىز.
