استانا قالاسىنىڭ قۇرىلىس, ەكولوگيا, كولىك جانە تكش ماسەلەلەرى جونىندەگى تۇراقتى كوميسسياسىنىڭ وتىرىسى اياسىندا ەلوردانى كوگالداندىرۋ ماسەلەلەرى تالقىلاندى, دەپ حابارلايدى astana-akshamy.kz
وندا استانا قالاسى قورشاعان ورتانى قورعاۋ جانە تابيعاتتى پايدالانۋ باسقارماسىنىڭ جاڭا باسشىسى داۋلەت دوسقۇلوۆ, «استانا ورمانى» جشس ديرەكتورى ميحايل كوشكين جانە «استانا-زەلەنستروي» جشس باس ديرەكتورى ارمان مۇقاتوۆ بايانداما وقىدى.
سويلەۋشىلەر بيىل 1,1 ملن جاسىل جەلەك وتىرعىزۋ جوسپارلانعانىن اتاپ ءوتتى. ونىڭ ىشىندە 1854 اعاشتى گەرمانيادان ارقايسىسى ءۇشىن 350 مىڭ تەڭگە باعاسىندا ساتىپ الىندى. بۇل رەتتە كوشەتتەردىڭ ومىرشەڭدىگى 90% -دى قۇرايدى.
قالانى كوگالداندىرۋعا 2024 جىلعا بارلىعى 40 ملرد تەڭگەدەن استام قاراجات ءبولىندى.
ء«وز كەزەگىمدە الدا ۇلكەن جانە جاۋاپتى جۇمىس كۇتىپ تۇرعانىن اتاپ ءوتتىم. سوعان سايكەس قاراجاتتى ساپالى ءارى ۇتىمدى يگەرۋدى ءوتىندىم.
ەستەرىڭىزگە سالا كەتەيىك, وسىدان ءبىر اپتا بۇرىن مەملەكەت باسشىسى وبلىستار مەن قالالاردىڭ اكىمدەرىنە كوشەلەردى تازارتۋ, ەلدى مەكەندەردىڭ سۋ تاسقىنىنان زارداپ شەكپەگەن اۋماقتاردى كوگالداندىرۋ جانە اباتتاندىرۋ بويىنشا ناۋقانداردى باستاۋدى تاپسىرعان ەدى. ەندى اكىمدەردىڭ قىزمەتى ەلدى مەكەندەر مەن قوعامدىق كەڭىستىكتەردىڭ جاعدايى بويىنشا باعالانباق», – دەيدى جيىنعا قاتىسقان استانا قالاسى ءماسليحاتىنىڭ دەپۋتاتى باۋىرجان سمايلوۆ.
