ەلوردادا جول قوزعالىسى قاۋىپسىزدىگىن قامتاماسىز ەتۋ, ەرەجە بۇزۋعا بايلانىستى قولدانىلاتىن ايىپپۇلداردى ۋاقىتىندا تولەۋ قاعيداسىن قالىپتاستىرۋ ماقساتىندا قالا اكىمدىگىنىڭ قولداۋىمەن رەسپۋبليكادا تۇڭعىش رەت «تىرشىلىك ارەكەتىن كەشەندى قامتاماسىز ەتۋ جۇيەسى» اتتى جاڭا تەحنولوگيا ەنگىزىلىپ وتىر.
ەندى كولىككە جول قوزعالىسى ەرەجەلەرىن بۇزعانى ءۇشىن سالىنعان ايىپپۇلداردى smart.astana.kz سايتىندا ونلاين رەجيمدە تەكسەرۋگە بولادى. ءتيىستى اقپاراتتى الۋ ءۇشىن ءاۆتوموبيلدىڭ جانە تەحنيكالىق تولقۇجاتتىڭ نومىرلەرىن ەنگىزۋ كەرەك.
جاڭا قىزمەت استانا قالاسىنىڭ الەمنىڭ دامىعان وتىز «smart» قالاسىنىڭ قاتارىنا ەنۋى جونىندەگى شارالار اياسىندا ۇسىنىلىپ وتىر. ەندى ءبىر ۋاقىتتا بىرنەشە جول ەرەجەسىن بۇزۋ جاعدايلارىن (جىلدامدىقتى ارتتىرۋ, باعدارشامنىڭ تىيىم سالىنعان بەلگىسىنە ءجۇرۋ جانە بەلگىدەن اسىپ توقتاۋ) اۆتوماتتى فوتو جانە بەينەتىركەۋ جۇيەسى ارقىلى انىقتاۋعا بولادى.
بۇگىندە بەينەباقىلاۋ كامەرالارى قالانىڭ كولىك اعىنى ۇلكەن قيىلىستارىندا ورناتىلعان. قۇرىلعىلار جولدىڭ كەز كەلگەن بولىگىندەگى ەرەجە بۇزۋشىلىق كورىنىستەرىن ۇدايى باقىلاپ تۇرادى.
جۇما عازيەۆ
