ەلوردالىق ىشكى ىستەر دەپارتامەنتى كەيبىر كوشەلەردەن جىلدامدىق ولشەيتىن «ۆوكورد-تسيكلوپ» اپپاراتتى-باعدارلامالىق كەشەندەرىن الىپ تاستادى.
«بۇل قۇرىلعىلاردى شاھارداعى جول-كولىك وقيعالارىنا بايلانىستى احۋالدى تالداۋ ماقساتىندا ورناتقان ەدىك. بۇگىندە اتالمىش قوندىرعىلاردى قالاداعى جول-كولىك وقيعالارى از جاسالاتىن ۋچاسكەلەردەن شەشىپ, اپاتتىق جاعداي ءجيى بولاتىن جەرلەرگە ورنالاستىردىق» دەپ ءتۇسىندىردى استانا قالاسى ىشكى ىستەر دەپارتامەنتىنىڭ ءباسپاسوز حاتشىسى سوفيا قىلىشبەكوۆا.
ۆەدومستۆو وكىلىنىڭ ايتۋىنشا, قۇرىلعىنى ورناتۋ جۇمىستارى كۇردەلى بولماعاندىقتان, ولاردى جولداردىڭ باسقا ۋچاسكەلەرىنە اۋىستىرۋ قيىنعا تۇسپەيدى.
بۇگىندە مۇنداي جىلدامدىق ولشەگىشتەر وزدەرىنىڭ تيىمدىلىگىن كورسەتىپ وتىر. «ۆوكورد-تسيكلوپ» كەشەندەرى بيىلعى اقپاننىڭ سوڭىندا ىسكە قوسىلىپ, 230 ميلليون تەڭگە كولەمىندەگى 9300-دەن استام جول ەرەجەسىن بۇزۋ فاكتىلەرىن انىقتادى. جالپى, جىل باسىنان بەرى قالاداعى فوتو جانە بەينە قۇرىلعىلار ارقىلى 500 ميلليون تەڭگە كولەمىندە 23 مىڭ ەرەجە بۇزۋ وقيعالارى تىركەلدى.
ايتا كەتەيىك, بۇل سۇر ءتۇستى قۇرىلعىلار وتكەن جىلى تەستىلىك رەجيمدە جۇمىس ىستەدى. بيىل اقپان ايىندا وسىنداي 21 اپپارات ىسكە قوسىلدى.
بوتاگوز ماراتقىزى
