استانادا ابدەن توزىعى جەتiپ, قابىرعاسى انە-مiنە قۇلاعالى تۇرعان ۇيلەر جوق ەمەس. بۇيىرتسا, 2017 جىلدىڭ اياعىنا دەيىن اپاتتى جاعدايداعى 157 ءۇي سۇرىلمەك.
جاسىراتىنى جوق, وتكەن عاسىردىڭ 40-60-جىلدارى قامىستان سالىنعان 2, 3, 4 قاباتتى ۇيلەر جوندەۋگە ءمۇلدەم كەلمەيدi. حالىق اراسىندا «حرۋششەۆكا» جانە «لەنينگرادتىق» دەپ اتالاتىن بەس قاباتتى ۇيلەردiڭ دە پايدالانۋ مەرزiمi 30-50 جىلمەن شەكتەلەدi. باس قالاداعى تۇرعىن ءۇي قورىنىڭ تەحنيكالىق جاعدايىن تەكسەرۋ ناتيجەسi, سول كەزەڭدەردە سالىنعان ۇيلەر 70 پايىزعا دەيiن توزىپ كەتكەنىن العا تارتادى. ونىڭ ۇستىنە كونسترۋكتيۆتiك ەلەمەنتتەرi اپاتتى جاعدايعا دۋشار بولعان ۇيلەردi كۇردەلi جوندەۋدەن وتكiزۋ ەكونوميكالىق تۇرعىدان وتە تيiمسiز. سوندىقتان اپاتتى ۇيلەردىڭ جايى تەك تۇرعىنداردىڭ عانا ەمەس, بيلىكتى دە الاڭداتادى.
جالپى, وسى ماسەلەنى شەشۋگە ارنالعان پيلوتتىق جوبانىڭ ءبىرىنشى كەزەڭىن 2017 جىلدىڭ اياعىنا دەيىن جۇزەگە اسىرۋ جوسپارلانعان. وسى ۋاقىت ارالىعىندا ەسكى ۇيلەردىڭ ورنىنا جاڭا باسپانالار بوي كوتەرمەك. قازىردىڭ وزىندە جوبا اياسىندا استانانىڭ سول جانە وڭ جاعالاۋىندا بىرنەشە تۇرعىن ءۇي پايدالانۋعا بەرىلگەن. ال, 2018-2020 جىلدار ارالىعىندا اپاتتى ۇيلەردى بۇزۋدىڭ ەكىنشى كەزەڭى جۇزەگە اسىرىلادى.
ايتا كەتۋ كەرەك, قالا اكiمدiگiنە سالماق سالاتىن اۋقىمدى جۇمىستاردىڭ بiرi – ەسكi قالانى جاڭالاۋ. ول ءۇشiن بiرنەشە باعىتتاعى جۇمىستار قاراستىرىلماق. ەسكi جانە قۇلاۋ الدىندا تۇرعان ۇيلەردi بۇزۋ, جاڭا ۇيلەردiڭ جوباسىن جاساۋ جانە سالۋ ءۇشiن دە جۇيەلi جوسپار قاجەت. ينجەنەرلiك-كوممۋنيكاتسيالىق ينفراقۇرىلىمدى جوبالاۋ جانە سالۋ كوپ ۋاقىت الاتىن بولسا, كەرىسىنشە اپاتتى ۇيلەردىڭ تۇرعىندارى جاڭا پاتەرلەرگە تەزىرەك كوشۋدى قالايدى.
ەگەر بۇل شارالار ءوز كەزەڭiمەن جۇزەگە اسىپ, اپاتتى ۇيلەر ازايسا, ەلوردانىڭ ساۋلەتتiك كەلبەتi جاقساراتىنى ءسوزسىز.
گۇلميرا ايماعانبەت
