اپتا شەشىمى
وسى اپتادا 24 پوليتسەي قىزمەتىنەن بوساتىلدى.
ەلىمىزدە 1200-دەي پوليتسەي قىلمىستى اشۋدىڭ ورنىنا, قاراقشىلاردى جازادان اراشالاپ, قۇيتىرقى ارەكەتتەرىن جاسىرعان. بۇل تۋرالى ىشكى ىستەر ءمينيسترى قالمۇحانبەت قاسىموۆ مالىمدەدى.
ءمينيستردىڭ ايتۋىنشا, قىزمەت بابىن اسىرا پايدالانعان 24 پوليتسەي جۇمىستان قۋىلسا, قالعانى قاتاڭ سوگىس العان. مەملەكەت باسشىسىنىڭ تاپسىرماسىنا سايكەس, حالىقتىڭ سەنىمىنەن شىعاتىن, ازاماتتاردىڭ قۇقىلارى مەن بوستاندىقتارىن قورعايتىن, حالىقارالىق ستاندارتتارعا ساي قىزمەت جاسايتىن پوليتسيا قۇرۋ ماقساتىندا «ىشكى ىستەر ورگاندارى تۋرالى» جاڭا زاڭ جەتىلدىرىلۋ ۇستىندە.
اپتا كەرەكتەرى
مەرۋەرت ابۋسەيىتوۆا,
تاريح عىلىمدارىنىڭ دوكتورى, پروفەسسور:
«ۇلتتىق تاريحتى زەرتتەۋ جۇمىسىندا ۇزاق مەرزىمدى مەملەكەتتىك باعدارلاما بولعانى ابزال. ماقساتقا جەتۋ ءۇشىن تاريح عىلىمى سالاسىنا دارىندى جاستاردى تارتىپ, عىلىمي كادرلاردىڭ سانىن ارتتىرۋىمىز كەرەك».
تولەن ابدىك, جازۋشى:
«بۇگىنگى جازۋشى كەڭەستىك سانادان ارىلۋ كەرەك. كەڭەستىك نومەنكلاتۋرانىڭ شەكپەنىنەن شىعۋ كەرەك».
اپتا سىزباسى
«قازاق قۇرىلىس جانە ساۋلەت عىلىمي-زەرتتەۋ جانە جوبالاۋ ينستيتۋتىنىڭ» جەتەكشى قىزمەتكەرلەرى ەلدىڭ اۋماقتىق دامۋ كورىنىسىن قامتيتىن باس سىزبا ازىرلەدى.
باس سىزبانى قۇرۋداعى نەگىزگى ماقسات – ءار ايماقتىڭ ەرەكشەلىگىن ەسكەرىپ, قازاقستان اۋماعىن تۇراقتى تۇردە دامىتۋعا دەن قويۋ. قۇجاتتا رەسپۋبليكالىق ماڭىزى بار وندىرىستىك, كولىكتىك, ينجەنەرلىك جانە الەۋمەتتىك ينفراقۇرىلىمداردى دامىتۋ تەتىكتەرى قاراستىرىلعان. سونىمەن قاتار تاريحي-مادەني ماڭىزى بار جەرلەر مەن جەر استى بايلىعى مول اۋماقتى قورعاۋ مەن قولدانۋعا دا ەرەكشە كوڭىل ءبولىندى. تابيعي جانە تەحنوگەندى سيپاتتاعى قاۋىپتى قۇبىلىستارعا بەيىم جەرلەر ايرىقشا بەلگىلەنگەن. سونداي-اق, باس سىزبادا ەل ەكونوميكاسىنا سەرپىن بەرگەن بارلىق باعدارلامالار قامتىلدى. ونىڭ ىشىندە «ۇدەمەلى يندۋستريالدى-يننوۆاتسيالىق دامۋ» بويىنشا ىسكە قوسىلعان مىڭعا جۋىق نىسان بار. ايتا كەتەتىنى, ەلىمىزدىڭ اۋماعىن ۇيىمداستىرۋدىڭ باس سىزباسى العاش رەت ازىرلەنىپ وتىر.
اپتا اقجولتايى
ەلىمىزدىڭ بۇقارالىق اقپارات قۇرالدارى جاڭا ارنامەن تولىقتى. 1 شىلدەدەن باستاپ, «قازسپورت» تەلەارناسى ءوز جۇمىسىن باستايدى.
وسىدان ءبىر جىل بۇرىن پرەزيدەنت ارنايى سپورت ارناسىن اشۋ تۋرالى تاپسىرما بەرگەن. بۇگىندە دايىندىق جۇمىستارى تولىقتاي اياقتالدى. جاڭا ارنانى «OTAU.TV» تەلە-تاراتۋ جۇيەسىنەن باسقا بىرقاتار كابەلدىك جەلىلەردىڭ كومەگىمەن كورۋگە بولادى. ارنا رەcپۋبليكانىڭ 65 پايىز اۋديتورياسىن قامتىماق.
اپتا ماسەلەسى
وسى اپتادا ۇكىمەت وتىرىسىندا تاريف ساپاسىن جەتىلدىرۋ ماسەلەسى قارالدى.
2017 جىلدان باستاپ كوپ پاتەرلى ۇيلەردىڭ بارىندە ورتاق جىلۋدى ەسەپتەۋ قۇرالدارى ورناتىلادى. ولاردى قوندىرۋ, كۇتىپ ۇستاۋ مونوپوليستەرگە جۇكتەلەدى. تابيعي مونوپوليالاردى رەتتەۋ اگەنتتىگى ۇكىمەتكە وسىنداي ۇسىنىس جاسادى. اگەنتتىكتىڭ بۇل ۇسىنىسى قولداۋ تاپسا, تۇتىنۋشىلاردىڭ بۇعان دەيىن ساتىپ العان ەسەپتەگىش قۇرالدارىنىڭ قاراجاتى مونوپوليست تاراپىنان قايتارىلادى. قولدانىستاعى كوممۋنيكاتسيالاردىڭ توزىعى جەتكەندىگىن ەسكەرسەك, بۇل ەسەپتەۋ قۇرالدارى جىلۋعا تولەنەتىن قاراجاتتى 70%-عا دەيىن ۇنەمدەۋگە مۇمكىندىك بەرەدى. «تاريف قۇنى دا تۇتىنۋشىلار قالتاسىن قاقپايدى» دەيدى قر تابيعي مونوپوليالاردى رەتتەۋ اگەنتتىگىنىڭ توراعاسى مۇرات وسپانوۆ.
اپتانىڭ وقىس وقيعاسى
استانادا ەسىل وزەنىنە قۇلاپ كەتكەن «Toyota Corolla» كولىگىنىڭ جولاۋشىلارى انىقتالدى.
پوليتسيا قىزمەتكەرلەرىنىڭ ايتۋىنشا, كولىكتى 24 جاستاعى بويجەتكەن جۇرگىزگەن. اۆتوكولىكتەگى ءتورت جولاۋشى پرومىشلەننىي كەنتىنە بەت العان كورىنەدى. الايدا, جۇرگىزۋشى تىزگىنگە يە بولا الماي, جولدان شىعىپ كەتىپ, تۋرا وزەنگە بارىپ قۇلاعان. قازىرگى تاڭدا 4 ءمايىتتىڭ دە اتى-ءجونى انىقتالعان.
اتالمىش وقيعا بويىنشا قىلمىستىق ءىس قوزعالىپ, كەرەكتى ساراپتامالاردىڭ بارلىعى بەلگىلەندى. سول ساراپتامانىڭ قورىتىندىسى بويىنشا ناتيجە شىعارىلاتىن بولادى.
اپتا سالتاناتى
«وتان انا» الاڭىندا قارجى پوليتسياسى اكادەمياسىن «زاڭتانۋ», «قۇقىق قورعاۋ قىزمەتى» جانە «كەدەن ءىسى» ماماندىقتارى بويىنشا بىتىرگەن 114 تۇلەك قارجى پوليتسياسى جانە كەدەن قىزمەتى وفيتسەرلەرىنىڭ قاتارىنا قابىلداندى.
قارجى پوليتسياسى اكادەمياسى ون ەكى جىل ىشىندە مەملەكەتتىك ءبىلىم بەرۋ دەڭگەيىندەگى ۇستانىمىن نىعايتتى. سالتاناتتى جيىنعا اتا-انالار, قالا قوناقتارى قاتىستى. شارادا وقۋ ءبىتىرۋ راسىمىنە ارنالعان شەرۋ بولدى. وقۋ الاڭىندا اسكەري وركەستردىڭ سۇيەمەلدەۋىمەن كۋرسانتتار مەرەكەلىك مارش ورىندادى. سونداي-اق, اكادەميا تىڭداۋشىلارىنىڭ قىزمەتتىك وقۋ-جاتتىعۋلارى مەن ۇرىس تاسىلدەرى كورسەتىلىپ, ءداستۇر بويىنشا قوشتاسۋ ءبيىن بيلەدى.
جادىمداعى جەتى كۇن
مارجان اراپباەۆا, ءانشى:
ءار اتقان تاڭنىڭ ءوز نەسىبەسى بار دەپ ويلايمىن. ايتەۋىر, قايناعان تىرلىكتىڭ بەل ورتاسىندا ءجۇرمىز عوي. جايما شۋاق اۋا- رايىنا, ادامداردىڭ مەرەكەلىك كوڭىل كۇيىنە قاراپ مەنىڭ دە ەڭسەم كوتەرىڭكى. تىڭدارمان قاۋىمعا ءسۇيىنشى حابارىم بار. وسى اپتادا جاڭا ءانىم دۇنيەگە كەلدى. ءدال قازىر وڭدەۋ جۇمىستارى ءجۇرىپ جاتىر. اللا قالاسا, حالىقتىڭ الدىنا جاڭا انمەن شىعۋعا از ۋاقىت قالدى.
شىلدەنىڭ 4-6 ارالىعىندا «ايالاعان استانا» اتتى جاس انشىلەردىڭ بايقاۋى وتپەك. سوعان قىزۋ دايىندىق ۇستىندەمىن, سەبەبى, تالانتتى شاكىرتىممەن بىرگە ءان سالىپ, باعىمىزدى سىناپ كورمەكپىز. ءبىر ەرەكشەلىگى, ءاندى تەك جاندى داۋىسپەن ايتامىز. بارىنشا اسەرلى, جوعارى دەڭگەيدە ونەر كورسەتۋگە تىرىسامىز. جەڭىپ شىعىپ, «نوۆايا ۆولنا» كونكۋرسىنا جولداما الساق دەگەن ءۇمىتىمىز بار. ناتيجەسىن ۋاقىت كورسەتەدى.
بۇل اپتا مەن ءۇشىن ءساتتى بولدى. كوپتەن بەرى سپورتتان قول ءۇزىپ قالىپ ەدىم. سول ولقىلىقتى تولتىرىپ, فيتنەسكە بارۋدى قايتا باستادىم. بويىمنان كۇش قۋات, سەنىمدىلىك سەزەمىن. سونىمەن قاتار, وتباسىما ۋاقىتىمدى كوبىرەك ءبولۋ ماقساتىندا, بالالاردىڭ دەمالىسىن پايدالانىپ, بۋرابايعا بارىپ كەلدىم. تابيعات اياسىندا, جاقىندارىڭمەن سەيىل قۇرعانعا نە جەتسىن, شىركىن… ۋاقىتتىڭ قالاي وتەتىندىگى ادامنىڭ وزىنە دە بايلانىستى عوي. ىزدەنىس پەن ەڭبەككە تولى كۇننىڭ قىزىقسىز بولۋى مۇمكىن ەمەس. سوندىقتان ۇنەمى جاڭا دۇنيەگە ۇمتىلامىن. جالپى, ءار كۇنىم ءۇشىن, اللاعا مىڭ شۇكىر ايتامىن.
جازىپ العان ايگەرىم بالعاباەۆا,
ەۇۋ-ءدىڭ 2-كۋرس ستۋدەنتى
