اپتا ايناسى
اپتانىڭ «تۋيتتەر» تىركەستەرى
بالعىنبەك يماشەۆ@Balgynbek
ءجانناتتىڭ ماسەلەسىن شەشكىڭ كەلسە, پايدالى ءىلىم ىزدە, بوس كۇلگەنشە. ءبىر تاۋلىكتە بەس ءمارتە ناماز وقى, ءبىر ساعاتتا تۋيتكە بەس كىرگەنشە.
Zharkyn Zhumadilov@tusupbekuly
«نەلسون ماندەلا – قارا قۇرلىقتىڭ اق جۇرەگى!» كەرەمەت تەڭەۋ!
Ahmetjanova Gul@gulnuraah
ءومىر – اينا. ونىڭ جاقسى جاقتارىن ويلاساق, بىزگە ادەمى كورىنەر.
جاقسىلىق ورىنباسار@ojaksylyk
اتالارىمىز مىنا ءۇش سوزبەن-اق ۇرپاعىن بۇكىل جاماندىقتان تىيىپ كەلگەن: ۇيات بولادى; جامان بولادى; وبال بولادى.
ايگەرىم بەگىمبەت@Otanqyzy
ارىپتەس اعامنىڭ ايتقانى: شىمكەنتتە بىلاي عوي: «ءبىر ادام – ءبىر گازەت». «ەكى ادام – جۋرنال». «ءۇش ادام ەتو ۋجە – الماناح».
Mukhamedzhan Tazabek@MTazabek
مەيىرىمى جوق ادامنان ماڭىراپ جۇرگەن مال جاقسى, ادەپسىز وسكەن بالادان تارتىپپەن وسكەن تال جاقسى.
اپتا «كەرەكتەرى»
كاكەن قامزين, فيلولوگيا عىلىمدارىنىڭ دوكتورى, پروفەسسور:
«بۇگىنگى قازاق جۋرناليستيكاتانۋ عىلىمى الدەقايدا ىلگەرىلەپ كەتتى. سوندىقتان بىزگە جاڭا كوزقاراس, ەركىن وي, ازات پىكىر تۇرعىسىنان وي تولعاۋ كەرەك».
تالعات ماماشەۆ, دۇنيەجۇزى قازاقتارى قاۋىمداستىعى توراعاسىنىڭ ءبىرىنشى ورىنباسارى:
«تاريحىمىزدىڭ قانشاما قۇندى دەرەكتەرى تورتكۇل الەمگە شاشىراپ كەتكەن اعايىن سياقتى شەتەلدەردە ساقتاۋلى. ونى دا تۇگەندەپ, وتكەنىمىزدى مەيلىنشە تولىق ءارى دۇرىس قالپىنا كەلتىرۋ ءۇشىن دە بىزگە سىرتتاعى دياسپورامەن تىعىز بايلانىس ورناتۋ, قولداۋ, قامقورلىق كورسەتۋ كەرەك».
اپتا فوتوايعاعى
قازاقستاندا اشىق قۇدىقتاردى قاراۋسىز قالدىراتىنداي, بالا سانى كوپ ەمەس. بۇل – استانانىڭ ميرزويان كوشەسىندەگى الماتى اۋداندىق حالىققا قىزمەت كورسەتۋ ورتالىعى ماڭىنداعى جانە «قاراقات» مۋزىكا مەكتەبى جانىنداعى قاقپاعى اشىق جاتقان قۇدىقتار.
سۋرەتتەر «فەيسبۋك» الەۋمەتتىك جەلىسىنىڭ بەلسەندى قولدانۋشىسى
سىرىم ابدراحمانوۆتىڭ جەكە پاراقشاسىنان الىندى.
اپتا جازاسى
سەنىمسىزدەرگە سەرتيفيكات جوق
ەلىمىزدىڭ كولىك جانە كوممۋنيكاتسيا مينيسترلىگى وتاندىق ءۇش اۋە كومپانياسىن سەرتيفيكاتىنان ايىردى.
اتالعان ۆەدومستۆوعا قاراستى ازاماتتىق اۆياتسيا كوميتەتى ساراپشىلارمەن بىرلەسە وتىرىپ «D.E.T.A. Air», «مەگا» جانە «قازەيرۋەست» كومپانيالارىنان ۇشۋعا رۇقسات بەرەتىن سەرتيفيكاتتارىن قايتارىپ الدى. ولار قىزمەتىن ءتيىستى تالاپتارعا ساي جۇرگىزبەگەن, سونىمەن قاتار ۇشۋ قۇجاتتارى مەن ينجەنەرلىك-تەحنيكالىق قىزمەت كورسەتۋ دەڭگەيى سىن كوتەرمەيدى. ءبىر ايتا كەتەرلىگى, قازاقستاندا قازىر 59 اۋە كومپانياسى بار. الايدا ونىڭ 37-ءسى ەۋرووداقتىڭ «قارا تىزىمىنە» ىلىنگەن.
گۇلميرا ايماعانبەت