ك.بايسەيىتوۆا اتىنداعى وپەرا جانە بالەت تەاترىندا استانا قالاسى تىلدەردى دامىتۋ باسقارماسى مەن «رۋحانيات» ورتالىعىنىڭ ۇيىمداستىرۋىمەن قازاقستاننىڭ ەڭبەك سىڭىرگەن ءارتىسى, ونەرتانۋشى, پروفەسسور كەنجەعالي مىرجىقبايدىڭ «پۋشكين جانە اباي» اتتى ءان كەشى ءوتتى.
ورىستىڭ ۇلى اقىنىنىڭ تۋعان كۇنىنە وراي ۇيىمداستىرىلعان شارادا اباي مەن پۋشكيننىڭ ولەڭدەرىنە جازىلعان قازاق جانە ورىس كومپوزيتورلارىنىڭ ۆوكالدىق شىعارمالارى ورىندالدى.
ءانشىنىڭ دايىنداعان رەپەرتۋارى بويىنشا: «كوزىمنىڭ قاراسى», «ەسىڭدە بار ما جاس كۇنىڭ», «قانسوناردا», «ولسە, ولەر تابيعات», «قاراڭعى تۇندە تاۋ قالعىپ», «يا ۆاس ليۋبيل», «ۆ كروۆي گوريت وگون جەلانيا», «رونياەت لەس باگريانىي سۆوي ۋبور» جانە ت.ب. كوپتەگەن اندەر شىرقالدى. باعدارلامادا ءانشى ادەبيەت الەمىندەگى الىپتاردىڭ تۋىندىلارىن ءۇش تىلدە ورىنداپ شىقتى.
كەشتىڭ باستى ماقساتى – كلاسسيكالىق تۋىندىلاردى حالىق اراسىندا ناسيحاتتاۋ ءارى ۆوكالدىق شىعارمالاردى تىڭداۋشى قاۋىمنىڭ اۋديتورياسىمەن كەڭەيتۋ.
شاراعا قر پارلامەنتى دەپۋتاتتارى, مادەنيەت جانە ادەبيەت قايراتكەرلەرى, ونەرتانۋشى عالىمدار قاتىستى.
كەش سوڭىندا تىلدەردى دامىتۋ باسقارماسىنىڭ باسشىسى ەربول تىلەشوۆ ءسوز سويلەپ, انشىگە شىعارماشىلىق تابىس تىلەدى.
سايان ەسجان
