استانانىڭ ازىق-تۇلىك بەلدەۋى ايماقتارىندا 100%-عا دەيىن اۋىلشارۋاشىلىعى ونىمدەرىمەن قامتاماسىز ەتە الاتىنداي الەۋەت بار. بۇگىندە ەلوردانىڭ قايتا وڭدەۋ كاسىپورىندارى ورتاشا جۇكتەمەمەن 40% شاماسىندا جۇمىس ىستەۋدە.
اقمولا وبلىسىنا ساپارى كەزىندە اۋىل شارۋاشىلىعى ءمينيسترى اسقار مىرزاحمەتوۆ ەلوردا توڭىرەگىندە ورنالاسقان جەكە قوسالقى شارۋاشىلىقتاردىڭ جايىمەن تانىستى ءارى اۋىلشارۋاشىلىق ونىمدەرىن قايتا وڭدەۋ كاسىپورىندارىنا جىبەرۋ قاجەتتىگىنە نازار اۋداردى. ماسەلەن, استانانىڭ ازىق-تۇلىك بەلدەۋى ايماعىندا ورنالاسقان جەكە قوسالقى شارۋاشىلىقتار 470 مىڭ توننا ءسۇت وندىرەدى. ونىڭ ىشىندە 54 مىڭ تونناسى قايتا وڭدەۋگە جىبەرىلەدى ەكەن. الايدا ءسۇت ونىمدەرىن قايتا وڭدەۋ كاسىپورىندارى 40% قۋاتپەن عانا جۇمىس ىستەيتىنى بەلگىلى بولدى.
قايتا وڭدەۋ كاسىپورىندارىنىڭ وندىرىستىك الەۋەتىن ارتتىرۋ ءۇشىن بىرقاتار شارالار ۇسىندى.
ول بويىنشا 150 ءسۇت قابىلداۋ پۋنكتى, ونىڭ ىشىندە 6 بەلدەۋ ايماعى, 2,5 مىڭ وتباسىلىق بورداقىلاۋ الاڭدارىن اشۋ كوزدەلگەن.
«قۇرىلاتىن بورداقىلاۋ الاڭدارى مال سويۋ, ەت ازىرلەپ, ساتۋ جانە جەم-شوپپەن قامتاماسىز ەتۋ ءۇشىن اۋىل شارۋاشىلىعى كووپەراتيۆتەرىنە بىرىكتىرىلەدى» دەدى ا.مىرزاحمەتوۆ.
سونداي-اق, كەزدەسۋ بارىسىندا كوتەرمە ۇلەستىرۋ ورتالىقتارىن قۇرۋ ماسەلەسى دە كوتەرىلدى. اتالمىش ورتالىق اۋىل شارۋاشىلىعى كووپەراتيۆتەرىنە بىرىكتىرىلگەن جەكە قوسالقى شارۋاشىلىقتار ءۇشىن ءوز ونىمدەرىن ورنالاستىراتىن الاڭ قىزمەتىن اتقارادى. الداعى ۋاقىتتا حالىققا قولجەتىمدى باعامەن دەلدالداردىڭ قاتىسۋىنسىز وتاندىق ساپالى ءونىمگە دەگەن قاجەتتىلىكتى وتەۋگە مۇمكىندىك بەرەدى.
گۇلميرا ايماعانبەت
