استانا قالاسىنىڭ ءبىلىم باسقارماسى بوس باسشىلىق لاۋازىمدارىنا كونكۋرس جاريالايدى:

ءبىلىم بەرۋ ۇيىمىنىڭ ديرەكتورى – 2 بىرلىك.
(لاۋازىمدىق ايلىقاقىسى ەڭبەك ەتكەن جىلدارىنا بايلانىستى – 65 302 تەڭگەدەن 72 204 تەڭگەگە دەيىن).
لاۋازىمدىق مىندەتتەرى: ءبىلىم بەرۋ ۇيىمىنىڭ قىزمەتىن ونىڭ جارعىسىنا جانە باسقا نورماتيۆتىك قۇقىقتىق اكتىلەرگە سايكەس باسقارادى. مەملەكەتتىك جالپىعا مىندەتتى ءبىلىم بەرۋ ستاندارتىن پەداگوگيكالىق جانە ادىستەمەلىك كەڭەسپەن بىرلەسە وتىرىپ ىسكە اسىرۋدى ۇيىمداستىرادى. جۇمىس جوسپارىن, باعدارلامالار مەن جۇمىس جوسپارلارىن بەكىتەدى. بەكىتىلگەن ۋچاسكەدەگى بالالاردى جالپىعا مىندەتتى وقىتۋمەن قامتاماسىز ەتۋ زاڭىنا سايكەس جالپىعا مىندەتتى وقىتۋمەن قامتاماسىز ەتەدى. وقۋ-تاربيە پروتسەسىن, عىلىمي-ادىستەمەلىك جانە ماتەريالدىق-تەحنيكالىق بازاسىن ۇيىمداستىرادى جانە جەتىلدىرەدى. وقۋ-تاربيە پروتسەسىن ادىستەمەلىك قامتاماسىز ەتۋدى ۇيىمداستىرادى جانە جەتىلدىرەدى. قازىرگى زامانعى اقپاراتتىق تەحنولوگيالاردىڭ دامۋىن قامتاماسىز ەتەدى. پەداگوگيكالىق ۇيىمدار, ادىستەمەلىك بىرلەستىكتەر, بالالار ۇيىمدارى قىزمەتىنە ىقپال ەتەدى. ءبىلىم بەرۋ قۇقىعى ليتسەنزياسىنا سايكەس وقۋشىلار, تاربيەلەنۋشىلەر كونتينگەنتىن قالىپتاستىرادى, وقۋشىلار مەن تاربيەلەنۋشىلەردى الەۋمەتتىك قورعاۋدى قامتاماسىز ەتەدى. جەتىم جانە اتا-اناسىنىڭ قامقورلىعىنسىز قالعان بالالاردىڭ اراسىنان شىققان تاربيەلەنۋشىلەردىڭ زاڭدى قۇقىعى مەن مۇددەلەرىن (جەكە, مۇلىكتىك, باسپانالىق, ەڭبەك جانە باسقا دا) قورعايدى, ولاردىڭ تۋىسقاندىق بايلانىسىن قولداي وتىرىپ, ولارعا جاعداي جاسايدى. تاربيەلەنۋشىلەر مەن ءبىلىم الۋشىلاردى اسىراپ باعۋ ءۇشىن بەلگىلەنگەن مولشەردەن كەم ەمەس جاعدايمەن قامتاماسىز ەتەدى. وقۋ-تاربيە پروتسەسى كەزىندە ءبىلىم الۋشىلاردىڭ (تاربيەلەنۋشىلەردىڭ) جانە ءبىلىم بەرۋ ۇيىمى قىزمەتكەرلەرىنىڭ ءومىر قاۋىپسىزدىگى مەن دەنساۋلىعىن ساقتاۋعا قاجەتتى جاعداي جاسايدى. وقۋشىلاردى قورعاۋ جانە ولاردىڭ دەنساۋلىعىن نىعايتۋ ماقساتىندا تاماقتانۋ جانە مەديتسينالىق قىزمەت كورسەتۋ جۇمىسىن ۇيىمداستىرادى جانە وعان باقىلاۋ جۇرگىزەدى. بەلگىلەنگەن زاڭناما شەگىندە ءبىلىم بەرۋ ۇيىمىنىڭ مۇلكى مەن قۇرالدارىنا باسشىلىق ەتەدى, جىل سايىن قۇرىلتايشىلاردىڭ قارجىلىق جانە ماتەريالدىق قاراجاتتىڭ ءتۇسۋى جانە جۇمسالۋى تۋرالى ەسەبىن بەرەدى.
نورماتيۆتىك تالاپتارعا سايكەس ەسەپ جۇرگىزىپ, وقۋ-ماتەريالدىق بازانىڭ ساقتالۋىن جانە تولتىرىلۋىن قامتاماسىز ەتەدى, ىشكى ەڭبەك ءتارتىپ ەرەجەسىن, سانيتارلىق-گيگيەنالىق رەجيمدى, ەڭبەكتى قورعاۋ جانە تەحنيكا قاۋىپ­سىزدىگىن ساقتاۋ ءۇشىن جاۋاپ بەرەدى.
پەداگوگ كادرلاردى جانە قوسىمشا قىزمەتشىلەردى ىرىكتەۋدى جانە جۇمىسقا تارتۋدى جۇزەگە اسىرادى, باسقارۋ قۇرىلىمىن, قىزمەتكەرلەردىڭ شتاتتىق كەستەسىن, لاۋازىمدىق نۇسقاۋلىعىن بەكىتەدى, ولاردىڭ كاسىبي شەبەرلىگىن ارتتىرۋ ءۇشىن جاعداي جاسايدى. پەداگوگيكالىق كەڭەستى باسقارادى. بەلگىلەنگەن ءتارتىپ بويىنشا قىزمەتكەرلەردى اتتەستاتتاۋدى جۇرگىزەدى. قىزمەت بارىسىندا ايرىقشا كوزگە تۇسكەن وقىتۋشىلار مەن ءبىلىم بەرۋ ۇيىمدارىنىڭ قىزمەتكەرلەرىن ءوزىنىڭ قۇزىرەتىنە قاراي ماراپاتتاۋعا جانە كوتەرمەلەۋگە ۇسىنادى جانە ءوز قۇزىرەتىنىڭ اياسىندا جازا بەلگىلەيدى.
جۇرتشىلىقپەن, اتا-انالارمەن (نەمەسە ولاردى الماستىرۋشىلارمەن) بايلانىستى جۇزەگە اسىرادى. مەملەكەتتىك جانە باسقا دا ۇيىمداردا ءبىلىم بەرۋ ۇيىمىن تانىتادى, قاجەتتى ەسەپ قۇجاتتاردى دايىنداۋدى جانە ۇسىنۋدى قامتاماسىز ەتەدى.
بىلۋگە مىندەتتى: قازاقستان رەسپۋبليكاسىنىڭ كونس­تيتۋتسياسىن, قازاقستان رەسپۋبليكاسىنىڭ «ءبىلىم تۋرالى», «قازاقستان رەسپۋبليكاسىنداعى تىلدەر تۋرالى», بالا قۇقىقتارى تۋرالى كونۆەنتسياسىن, قازاقستان رەسپۋبليكاسىنىڭ «نەكە (ەرلى-زايىپتىلىق) جانە وتباسى» كودەكسىن, قازاقستان رەسپۋبليكاسىنىڭ «بالانىڭ قۇقىقتارى تۋرالى» زاڭىن, «سىبايلاس جەمقورلىققا قارسى كۇرەس تۋرالى», «قازاقستان رەسپۋبليكاسىندا مۇگەدەكتىگى بويىنشا, اسىراۋشىسىنان ايىرىلۋ جاعدايى بويىنشا جانە جاسىنا بايلانىستى بەرىلەتىن مەملەكەتتىك الەۋمەتتىك جاردەماقىلار تۋرالى», «كەمتار بالالاردى الەۋمەتتىك جانە مەديتسينالىق-پەداگوگيكالىق تۇزەۋ ارقىلى قولداۋ تۋرالى», «ارنايى الەۋمەتتىك قىزمەت تۋرالى», «كامەلەتكە تولماعانداردىڭ اراسىنداعى قۇقىق بۇزۋشىلىقتار مەن بالالاردىڭ قاداعالاۋسىز جانە پاناسىز قالۋىنىڭ الدىن الۋ تۋرالى» زاڭدارىن جانە باسقا دا ءبىلىم بەرۋدى دامىتۋدىڭ باعىتتارى مەن كەلەشەگىن ايقىندايتىن نورماتيۆتىك قۇقىقتىق اكتىلەردى; پەداگوگيكا مەن پسيحولوگيا نەگىزدەرىن; مەملەكەتتىك جالپىعا مىندەتتى ءبىلىم بەرۋ ستاندارتتارىن; پەداگوگيكانى, پەداگوگيكالىق پسيحولوگيانى, پەداگوگيكالىق عىلىم مەن پراكتيكانىڭ جەتىستىكتەرىن; مەنەدجمەنت نەگىزدەرىن, قارجى-شارۋاشىلىق قىزمەت تۋرالى زاڭنامالاردى, ەڭبەك تۋرالى, ەڭبەكتى قورعاۋدىڭ, تەحنيكا قاۋىپسىزدىگى جانە ورتكە قارسى قورعانۋدىڭ ەرەجەلەرى مەن نورمالارىن, سانيتارلىق ەرەجەلەر مەن نورمالاردى.
بىلىكتىلىككە قويىلاتىن تالاپتار: جوعارى پەداگوگيكالىق ءبىلىم جانە ءبىلىم بەرۋ ۇيىمدارىنداعى پەداگوگيكالىق جۇمىس ءوتىلىنىڭ 5 جىلدان كەم بولماۋى ءتيىس.
كونكۋرس قازاقستان رەسپۋبليكاسى ۇكىمەتىنىڭ 2007 جىلعى 27 قىركۇيەكتەگى № 849 قاۋلىسىمەن بەكىتىلگەن «ازاماتتىق قىزمەتكە كىرۋ جانە ازاماتتىق قىزمەتشىنىڭ بوس لاۋازىمىنا ورنالاسۋعا كونكۋرس وتكىزۋ ەرەجەسى» نەگىزىندە وتكىزىلەدى.
كونكۋرسقا قاتىسۋ ءۇشىن قاجەتتى قۇجاتتار جەرگىلىكتى گازەتتەردە حابارلاندىرۋ جاريالانعان كۇننەن كەيىن 15 كۇن ىشىندە 010000, استانا قالاسى, بەيبىتشىلىك كوشەسى, 11-ءۇي, 720-كابينەتكە تاپسىرىلۋى ءتيىس.
انىقتاما تەلەفوندارى: 55-68-55, 55-68-57.