جۇمىس اپتاسى اياقتالىپ, اسىعا كۇتكەن دەمالىس كۇندەرى دە كەلىپ قالدى. سوندىقتان, ادەتتەگىدەي, نازارلارىڭىزعا ەلوردامىزدا وتەتىن قىزىقتى ءارى پايدالى ءىس-شارالار ءتىزىمىن ۇسىنامىز.
مۇسىندەر مۋزەيى
بۇگىندە استانادا سانكت-پەتەربۋرگ قالاسىنان اكەلىنگەن بالاۋىز مۇسىندەر كورمەسى وتۋدە. وندا 40-قا تارتا ەكسپونات قويىلعان. ىشىندە ەلباسى نۇرسۇلتان نازارباەۆتان بولەك, رەسەي فەدەراتسياسىنىڭ باسشىسى ۆلاديمير پۋتين مەن اقش پرەزيدەنتى باراك وباما بار.
سونداي-اق, سپورتسۇيەر قاۋىمعا دا جەكە بۇرىش جاسالعان. فۋتبول اتاسى پەلە مەن داڭقتى بوكسشى مايك تايسون سول ماڭنان تابىلادى.
مۇنىمەن قوسا, «اۆاتار», «كاريب تەڭىزىنىڭ پيراتتارى», «گارري پوتتەر», «ساقينالار ءامىرشىسى», «جۇلدىزدى سوعىس» سىندى فانتاستيكالىق كينولاردىڭ اكتەرلەرى دە شارا قوناقتارىن اسىعا كۇتەدى.
ۋاقىتى: 10:00-20:00.
وتەتىن ورنى: بەيبىتشىلىك جانە كەلىسىم سارايى.
استانا – فوتوگرافتار كوزىمەن
ەلورداداعى قالالىق مادەنيەت باسقارماسى مەن «Aray Gallery» ۇيىمىنىڭ مۇرىندىق بولۋىمەن «Astana. Evolution» فوتوكورمەسى ءوتىپ جاتىر. وندا باس شاھاردىڭ ءارتۇرلى راكۋرستان تۇسىرىلگەن سۋرەتتەرى قويىلعان. ولارعا قاراپ زاماناۋي تەحنيكا مەن الەمدىك قاۋىمداستىقتاردىڭ قازىرگى فوتوونەرگە ىقپالىن بىردەن بايقايسىز. ەلوردانى جاڭا ءارى كونە نۇسقادا, ءتورت مەزگىلدە, كۇندىز جانە تۇندە, كوپتەگەن ارحيتەكتۋرالىق ستيلدە «شىرت ەتكىزگەن» فوتوگرافتاردىڭ شەبەرلىگىنە شىنىمەن-اق ءتانتى بولاسىز. كورمە 2 قىركۇيەككە دەيىن جالعاسادى.
وتەتىن ورنى: تاۋەلسىزدىك سارايى.
جەكسەنبى سايىن – جاتتىعۋ
بۇقارالىق سپورتقا باسىمدىق بەرىلگەن باس قالامىزدا جاتتىعۋعا جانى قۇمار قالا تۇرعىندارى ءۇشىن ءار جەكسەنبىدە «Fitness Park Astana» شاراسى ۇيىمداستىرىلادى. بۇل كۇنى ورتالىق ساياباققا كەلگەن كىسىلەر تاجىريبەلى فيتنەس نۇسقاۋشىلاردىڭ باعىتىمەن تازا اۋادا كروسسفيتپەن جانە يوگامەن اينالىسادى.
ال بيگە اۋەس جاندار لاتىنامەريكالىق ىرعاقتارمەن زۋمبا ءبيىن بيلەيدى. سونىمەن قاتار, اتالمىش اكتسيا اياسىندا «Combat Battle», دجيۋ-دجيتسۋ جاتتىعۋ الاڭدارىندا جەكپە-جەك ونەرىن ۇيرەنۋگە دە بولادى.
ۋاقىتى: تاڭعى ساعات 10.00-دەن باستاپ.
وتەتىن ورنى: ورتالىق ساياباق.
پايدالى كورمەلەر
استانادا دەمالىس كۇندەرى تەرىدەن جاسالعان ونىمدەر كورمەسى وتەدى. وسىعان قوسا ەلوردالىق تۇرعىندار «يۆانوۆ جانۇياسىنىڭ باشقۇرت بالى» اتتى كورمەگە دە كەلە الادى.
ۋاقىتى: 6-7 تامىز, تاڭعى ساعات 10.00-دەن باستاپ.
وتەتىن ورنى: «جاستار» سارايى.
