ەلوردانىڭ بارلىق اۋداندارىندا ۆەيپ پەن ناسىبايدىڭ زاڭسىز تارالۋى مەن قولدانىلۋىن انىقتاۋ بويىنشا تۇراقتى نەگىزدە رەيدتەر جۇرگىزىلۋدە., دەپ حابارلايدى astana-akshamy.kz
پوليتسەيلەر اۋدان اكىمدىكتەرىنىڭ وكىلدەرىمەن بىرلەسىپ ساۋدا نۇكتەلەرىن تەكسەرىپ, تاراتۋشىلاردى اكىمشىلىك جاۋاپكەرشىلىككە تارتادى.
رەيد باستالعاننان بەرى ەلوردانىڭ بەس اۋدانىندا 900-دەن استام ساۋدا نۇكتەلەرى تەكسەرىلدى.
پوليتسيا دەپارتامەنتىنىڭ قىزمەتكەرلەرى اۋدان اكىمدىكتەرىمەن بىرلەسىپ شەكپەيتىن تەمەكى ونىمدەرىن, ونىڭ ىشىندە ناسىباي ءوندىرىسى بويىنشا جەراستى تسەحتارىنىڭ 160-تان استام فاكتىسىن انىقتادى.
بايقوڭىر اۋدانى بويىنشا س.سەيفۋللين, ج. وماروۆ, ا. يمانوۆ, كەنەسارى, ا. يانۋشكەەۆيچ, ش. ءۋاليحانوۆ, ا. سەمبينوۆ, ا. جانگەلدين, وتىرار, م. لەرمانتوۆ كوشەلەرىندەگى جانە الاش تاس جولىنداعى 219 كاسىپكەرلىك نىسانىنىڭ ناسىباي مەن ءسنيۋستى زاڭسىز ساتۋ ماسەلەسى تەكسەرىلدى. رەيدتەر ناتيجەسىندە 7 ساتۋ نۇكتەسىنە 25 اەك (92 300 تەڭگە) مولشەرىندە ايىپپۇل سالىندى.
ەسىل اۋدانىندا شەكپەيتىن تەمەكى ونىمدەرىن ساتۋدىڭ 23 فاكتىسى انىقتالدى, ونىڭ ىشىندە ناسىباي ساۋداسى ءۇشىن 19 فاكت جانە كامەلەتكە تولماعان تۇلعالارعا ۆەيپتەردى ساتۋدىڭ 6 فاكتىسى تىركەلىپ, 25 اەك ايىپپۇل سالىندى.
سارىارقا اۋدانىندا 300-دەن استام جەكە كاسىپكەرلىك نىسانىنا رەيد جۇرگىزىلدى. 60-تان استام بۇزۋشىلىق انىقتالىپ, جالپى ايىپپۇل سوماسى 4 ميلليون تەڭگەدەن اساتىن 30 كەلىگە جۋىق ناسۆاي تاركىلەندى.
نۇرا اۋدانىنداعى اسفەندياروۆ كوشەسى, انەت بابا كوشەسى, سىعاناق كوشەسى, ر.باعلانوۆا كوشەسى, ۇلى دالا كوشەسى, قايىم مۇحامەداحانوۆ كوشەسى, وتىرار كوشەسى, ە-15 كوشەسى جانە ۇركەر كجك يساتاي باتىر كوشەسىندە ورنالاسقان 167 دۇكەندە پروفيلاكتيكالىق ءتۇسىندىرۋ جۇمىستارى جۇرگىزىلدى. رەيدتەردىڭ قورىتىندىسى بويىنشا التى دۇكەنگە ايىپپۇل سالىندى.
سونداي اق رەيدتەر ناتيجەسىندە الماتى اۋدانىندا 57 بۇزۋشىلىق انىقتالدى:
– ناسىبايدى ساتۋدىڭ 42 فاكتىسى تىركەلىپ, 25 اەك بويىنشا ايىپپۇل سالىندى.
– مەكەمەلەردە تەمەكى ونىمدەرىن (كاليان) تۇتىنۋدىڭ 21 فاكتىسى تىركەلىپ, 15 اەك ايىپپۇل سالىندى.
– جيىرما ءبىر جاسقا تولماعان جاستارعا تەمەكى ونىمدەرىن ساتۋدىڭ 1 فاكتىسى انىقتالىپ,15 اەك ايىپپۇل سالىندى.
تاركىلەنگەن شەكپەيتىن بۇيىمدار جويىلدى.
شاعىن جانە ورتا بيزنەس اراسىندا بۇزۋشىلارمەن شەكپەيتىن تەمەكى ونىمدەرىن ساتۋعا جول بەرمەۋ تۋرالى پروفيلاكتيكالىق اڭگىمەلەر وتكىزىلدى.
