استانالىقتار اۋقىمدى ەكولوگيالىق ناۋقان اياسىندا اباي مەن ىبىراي التىنسارين ەسكەرتكىشتەرى ماڭىندا اباتتاندىرۋ جۇرگىزدى, دەپ حابارلايدى astana-akshamy.kz
ەلوردادا «تازا قازاقستان: استانا – تازالىق پەن ءتارتىپتىڭ ۇلگىسى» اتتى اۋقىمدى ەكولوگيالىق اكتسياسى جالعاسۋدا. بۇل اپتالىق «كيەلى مەكەن» ۇرانىمەن قالاداعى ەسكەرتكىشتەر مەن ولاردىڭ اينالاسىن تازارتۋعا ارنالعان.
ەكواكتسياعا قاتىسۋشىلار ىبىراي التىنسارين ءمۇسىنىنىڭ جانە اباي ەسكەرتكىشىنىڭ اينالاسىن تازالاۋعا شىقتى.
سەنبىلىككە ەلوردانىڭ مادەنيەت ۇيىمدارىنىڭ قىزمەتكەرلەرى, اۋدان اكىمدىگى مەن قالا تۇرعىندارى قاتىستى.
«مەملەكەت باسشىسىنىڭ تاپسىرماسى بويىنشا رەسپۋبليكا بويىنشا «تازا قازاقستان: استانا – تازالىق پەن ءتارتىپتىڭ ۇلگىسى» اۋقىمدى ەكولوگيالىق اكتسياسى باستالدى. سونىمەن, قوعامدىق ورىنداردى, تاريحي ورىنداردى, كوشەلەر مەن اۋلالاردى تازارتۋ ماقساتىندا ىبىراي ءالتىنساريننىڭ ءمۇسىنىن تازالاۋعا جينالدىق. ەلوردادا بارلىعى 117 ەسكەرتكىش بولسا, ونىڭ 46-سى مەملەكەت قورعاۋىندا. اكتسيا اياقتالعانعا دەيىن قالاداعى بارلىق ەسكەرتكىشتەردى تازارتۋ جوسپارلانىپ وتىر», – دەدى استانا قالاسى اكىمدىگىنىڭ «بىرىككەن مۇراجايلار ديرەكتسياسى» مكقك ديرەكتورىنىڭ ورىنباسارى سامات تەرگەمباەۆ.
تازالىق اكتسياسىنا قاتىسۋشى ەركەبۇلان اعىمباەۆتىڭ ايتۋىنشا, تازالىقتا تاربيەلىك ءمانى بار.
«كوكتەمنىڭ كەلۋىمەن قالادا اۋقىمدى ەكواكتسيا باستالدى. ءوز كەزەگىمىزدە قالانى قوقىستان تازارتىپ جاتىرمىز. ايتا كەتەرلىگى, اكتسيانىڭ وسكەلەڭ ۇرپاق ءۇشىن تاربيەلىك ءمانى زور. ءار نىسانعا ۇقىپتىلىقپەن قاراپ, تازالىق تانىتۋعا شاقىرامىز», – دەيدى «ناز» مەملەكەتتىك بي تەاترىنىڭ ديرەكتورى ەركەبۇلان اعىمباەۆ.
قالاداعى كەڭ اۋقىمدى جالپى سەنبىلىككە دەپۋتاتتار, مادەنيەت قىزمەتكەرلەرى, ستۋدەنتتەر, بەلسەندىلەر, جاستار مەن بەلسەندى تۇرعىندار قاتىسىپ جاتىر.
اباي ەسكەرتكىشىن كىر مەن قوقىستان تازارتۋ بارىسىندا قوعام بەلسەندىلەرى, ە.راحماديەۆ اتىنداعى مەملەكەتتىك اكادەميالىق فيلارمونيا قىزمەتكەرلەرى مەن اباي مەكتەبىنىڭ وقۋشىلارى تازالىق جۇمىستارىن جۇرگىزىپ قانا قويماي, قازاقتىڭ باس اقىنىنىڭ ولەڭدەرى مەن قارا سوزدەرىن وقىدى, اندەرىن ورىندادى.
ايتا كەتۋ كەرەك, استانادا اۋقىمدى ەكولوگيالىق ناۋقان جالعاسۋدا. ول بەس اپتاعا سوزىلادى, ولاردىڭ ارقايسىسى بەلگىلى ءبىر تاقىرىپقا ارنالعان. بۇل اپتا «كيەلى مەكەن» دەپ اتالادى.
